PIV 2026 · Artikolo 14520

★solvi

Litero S★ Fundamenta

Derivaĵoj en la artikolo 25
  1. solva
  2. solvo
  3. solvad/o
  4. solvaĵ/o
  5. dilu/a solvaĵ/o
  6. dilu/it/a solvaĵ/o
  7. patr/in/a solvaĵ/o
  8. solvant/i
  9. solvant/um/i
  10. solvant/o
  11. solvebl/a
  12. solviĝ/i
  13. solvil/o
  14. akv/osolvebl/a
  15. bufr/osolvaĵ/o
  16. desolvi
  17. desolviĝ/i
  18. dissolvi
  19. dissolvo
  20. ferm/a dissolvo
  21. kruc/a dissolvo
  22. mal/ferm/a dissolvo
  23. dissolviĝ/i
  24. pseŭdosolvaĵ/o
  25. sensolve
★ solvi tr
1 trovi la nekonataĵon de problemo, la respondon al demando aŭ la rimedon al malfacilaĵo: solvi enigmon solvi malhelpaĵon solvi konflikton solvi malfacilaĵon solvi ĉiujn disputojn aŭ dubojn en lojala interkonsento Z la vivo mem jam longe solvis tiun ĉi demandon Z Salomono 1 solvis al ŝi ĉiujn ŝiajn demandojn MT solvi la intrigon
2 KEMI homogene kaj stabile miksi solidon, alian likvon aŭ gason kun likvo: solvi salon en akvo B zinko sulfura zinka sulfato
Solvu en:
akvo distilita Z
natria jodido solvita en acetono (figurasence) la larmofigurasence solvita stilo de Baghy KKa ➞ dissolvi, emulsii, fandi.
solva rilata al solvo: solva varmo solva povo
solvo
1 KEMI ago solvi.
2 respondo al dubo aŭ demando; klarigo de problemo aŭ de implikita situacio: vi ne trovus la solvon de mia enigmo MT la fabelo havas harmonian solvon Z
solvado agado de iu aŭ io solvanta:
1 faru la solvadon kun zorgo
2 la komitato de la Lingvo okupas sin je la solvado de ĉiuj duboj Z
solvaĵo KEMI tuto de la solvita(j) substanco(j) kaj la likvo, en kiu ĝi/ili solviĝis: solvaĵo de natria klorido diluita solvaĵo koncentrita solvaĵo ➞ bufrosolvaĵo, suspensio.
dilua solvaĵo, diluita solvaĵo solvaĵo malkoncentrita.
patrina solvaĵo KEMI restolikvo.
solvanti, solvantumi tr KEMI provizi molekulon per tavolo aŭ ŝelo da solvanto unu aŭ kelkajn molekulojn dika: solvanti per akvo estas hidrati
solvanto
1 iu, kiu solvas ion: la someraj konkursoj havas malmultajn solvantojn OE
2 KEMI substanco, per kiu oni solvas.
solvebla tia, ke ĝi povas esti solvita: solvebla metalo B nesolvebla problemo
solviĝi iĝi solvita:
1 naftaleno bone solviĝas en benzeno (figurasence) sed lia idaro jam plene kaj por ĉiam solviĝas en la dirita gento Z ĉiam pli densiĝante, la nuboj en la pasinta jaro solviĝis per fulmotondro Z
2 la enigmo simple solviĝas Z
solvilo = (prefere) solvanto.
akvosolvebla solvebla en akvo:akvosolvebla farbo akvosolvebla vitamino
bufrosolvaĵo bufra solvaĵo.
desolvi deigi ion per solvado.
desolviĝi iĝi desolvita: la sigelvakso desolviĝis Z la ekstera falsbrilaĵo desolviĝas Z
dissolvi disigi ion en solvo: la petrolo dissolvos tiun rustan kruston
dissolvo
1 ago dissolvi.
2 FOTO KOMP iompostioma fermado aŭ malfermado de la objektivo 2 de kamerao, aŭ simila efekto realigita per komputilo.
ferma dissolvo FOTO speco de dissolvo, per kiu oni ofte finas scenon, forigante la bildon ĝis nigro.
kruca dissolvo speco de dissolvo, per kiu oni anstataŭigas planon per alia, finante la unuan per ferma dissolvo kaj samtempe komencante la duan per malferma dissolvo.
malferma dissolvo speco de dissolvo, per kiu oni ofte komencas scenon, aperigante la bildon el nigro.
dissolviĝi iĝi dissolvita: zinko korodiĝas kaj dissolviĝas ene de la solvaĵo ASS
(figurasence) la fantomoj dissolviĝis en nebulon Z en la Kristana urbo la sorĉo dissolviĝos Z
pseŭdosolvaĵo KEMI ŝajna solvaĵo: koloida pseŭdosolvaĵo Sin. solo 2 konsistas el solidaj eroj koloideroj inter 0,2×10−9 kaj 2×10−12 m, homogene disigitaj en likvo
sensolve ne atingante solvon: sensolve diskuti