PIV 2026 · Artikolo 10351

★miksi

Litero M★ Fundamenta

Derivaĵoj en la artikolo 36
  1. miksi si/n
  2. miksa
  3. mikso
  4. miks/
  5. miksad/o
  6. miksaĵ/o
  7. miksebl/a
  8. miksiĝ/i
  9. miksil/o
  10. miksit/a
  11. almiksi
  12. almiksaĵ/o
  13. bat1miksi
  14. betonmiksil/o
  15. dismiksi
  16. enmiksi si/n
  17. enmiksiĝ/i
  18. enmiksiĝ/o
  19. enmiksiĝ/ad/o
  20. frotmiksi
  21. fuŝmiksi
  22. intermiksi
  23. intermikso
  24. intermiksiĝ/i
  25. intermiksiĝ/o
  26. intermiksiĝ/ad/o
  27. kunmiksi
  28. kunmiksit/aĵ/o
  29. malmiksi
  30. malmiksiĝ/i
  31. pist/omiksi
  32. rasmiksi
  33. reakciomiksaĵ/o
  34. senmiksa
  35. sonmiksil/o
  36. vinmiksaĵ/o
★ miksi tr
1 intermeti senorde diversajn objektojn aŭ substancojn, tiel ke iliaj eroj aŭ pecoj ne plu estas facile apartigeblaj: ŝia konscienco miksis la kartojn Z mian trinkaĵon mi miksis kun larmoj MT rivero , kiu preterkuras por miksi sian akvon kun la akvo de la fiera Rejno Z vi vidis feron miksitan kun potargilo MT
(analoge) miksi la rasojn ➞ kruci ili sin miksis en la bruantan amason oni ne miksu la oficirojn kun la suboficiroj
(figurasence) Dio miksis ilian lingvon de la homoj Z
2 prepari ion por uzado, enmetante, laŭ difinitaj proporcioj, diversajn substancojn egale diserigotajn: faruno, miksita kun oleo MT miksi kelkajn specojn de teo miksi kelkajn specojn de tabako miksi akvon kun vino li la venenon miksis por ni ĉiuj Z ĉe la antikvuloj, prepari vinon por trinkado en la pokalo, kiun ŝi miksis, miksu al ŝi duoblon ➞ verŝi NT ➞ kombini.
3 (figurasence) kunigi intime en sia psiko du diversajn aferojn, sentojn k.s.: miksi la utilan kun la agrabla miksinte ŝercon kun seriozaĵo Z pia sento de agrableco, miksita kun virina scivoleco Z
4 (figurasence) preni unu objekton por alia; ne kapabli distingi du aŭ plurajn objektojn: mi ne miksos preĝejan turon kun lanterna kolono Z miksi la signifon de du vortoj Z ili estas tiel similaj, ke oni ofte miksas ilin B «Homaranismo» (ne miksu kun «kosmopolitismo») Z ➞ interŝanĝi, konfuzi.
miksi sin interveni en aferon, kiu estas ne propra: zorgu vian metion kaj ne miksu vin en alian Z mi persone ne povas min miksi en la aferon Z ne miksu vin en nian konversacion ➞ enmiksi sin.
miksa
1 rilata al miks(ad)o: tiu miksa proporcio de ingrediencoj laŭ kiu oni ilin miksas estigos kukon aparte bongustan
2 (evitinde) = miksita: tio tuŝis la miksajn kaj konfuzajn sentojn, kiujn mi havis al li CPi ➞ ge-, bunta.
mikso ago miksi, aŭ ties rezulto: multe la homoj devis suferi pro tiu ĉi mikso de la lingvoj Z sperta mikso de personaj rememoroj kaj historiografiaj detaloj IEr ➞ miksado, miksaĵo.
miks miksita. ➞ miksamaso, miksbanejo, miksbatalo, miksdevena, miksedziĝo, miksforma, mikskolora, mikskonsista, mikspoto, miksrasa, miksospeca.
miksado agado miksi: zorga miksado de la teoj zorga miksado de ingrediencoj «nu!» ŝi diris kun miksado de cinikismo kaj naiveco
miksaĵo io konsistanta el miksitaj substancoj aŭ objektoj: miksaĵo el bombonoj la vestoj konsistis videble el miksaĵo de modoj de diversaj tempoj Z ha, kia senorda miksaĵo tio estis! Z stranga miksaĵo el legendoj demandoj kaj festaj kantoj Z ni evitu Babilonan miksaĵon de dialektoj Z
miksebla tia, ke oni povas ĝin miksi kun aliaj aĵoj: tiuj du teoj ne estas mikseblaj
miksiĝi iĝi miksita: ĉe ĉiu leviĝo de la ŝipo la objektoj denove miksiĝus inter si Z via vino miksiĝis kun akvo MT oleo ne miksiĝas kun akvo odoro de fumo miksiĝis kun parfumo de rozoj ridoj miksiĝis kun larmoj ➞ interplektiĝi, kunfandiĝi.
miksilo
1 aparato por miksi: miksilo por kokteloj
2 SPEK MUZI aparato, kiu ricevas sonon tra pluraj kanaloj, kaj per kiu oni kunmiksas ilin ĝustigante la relativajn laŭtojn. Sin. sonmiksilo.
miksita konsistanta el diversaj intermetitaj elementoj: miksita societo tio estos regno de miksita konsisto MT miksita salato miksita glaciaĵo dieto miksita Z
almiksi KUIR aligi ion al io alia per miksado: almiksu sukerpulvoron al la pasto
almiksaĵo io, kio estis almiksita: forigu de arĝento la almiksaĵon ➞ skorio MT ➞ alojo.
bat1miksi KUIR miksi ion, forte skuante per forketo aŭ analoga ilo: oni batmiksas ovojn por fari omleton, dum por fari ŝaŭmovaĵon oni kirlas ilin
betonmiksilo transportebla maŝino, en kies kuvo oni meĥanike miksas la materialojn por fari betonon (cementon, sablon, ŝtonetojn kaj akvon).
dismiksi disfluigi ion per miksado: KUIR dismiksu du kulerojn da faruno en la saŭcon
enmiksi sin, enmiksiĝi miksi sin: enmiksi min en la aferon mi kompreneble ne povas Zla infanoj enmiksis sin en la paroladon Z en la aferon enmiksiĝas virino Z
enmiksiĝo, enmiksiĝado ago enmiksi sin: oni kovros la malsaĝaĵon de la bopatrino per sprita enmiksiĝo Z antaŭ ol la registaroj trovos la demandon de lingvo internacia inda je ilia enmiksiĝo Z (figurasence) kian grandegan faciligon donas al la lingvo la enmiksiĝo de konscia arto Z la afero iras tre bone tute sen mia enmiksiĝado Z
frotmiksi miksi ion per frotado: incensaĵo bone frotmiksita MT
fuŝmiksi miksi ion kun pli malmultekosta substanco por malaltigi la vendoprezon: fuŝmiksi lakton per akvo
intermiksi
1 miksi unu kun alia kaj reciproke: la homo kaj la diablo intermiksas sian sangon Z
2 miksi senorde aŭ konfuze: multaj personoj intermiksas mian nomon kun la nomoj de miaj fratoj Z niaj francaj amikoj tute erare intermiksis tiujn ĉi du projektojn Z li aŭdis la multajn intermiksitajn kaj tre laŭtajn voĉojn Z
intermikso
1 ago intermiksi: la naturo fiziologie favoras intermikson de la gentoj Z ➞ intermiksiĝo.
2 TELE ĝeno en ricevado, pro apuda stacio, kies frekvenco estas sama aŭ tro proksima al tiu de la aŭskultata stacio. ➞ perturbo 5.
intermiksiĝi miksiĝi reciproke: la bildoj mirinde intermiksiĝis en ŝia spirito Z
intermiksiĝo, intermiksiĝado ago intermiksiĝi: konstanta intermiksiĝado de la popoloj Z ➞ intermikso.
kunmiksi miksi aferojn unu kun aliaj: intence kunmiksita greno:
Tritik’, horde’ liphara, fabo kaj maizo G
la poeto kunmiksas esprimojn NRu
kunmiksitaĵo ingredienco: la supo bezonas neniajn aliajn kunmiksitaĵojn Z
malmiksi apartigi la miksitajn erojn de io.
malmiksiĝi iĝi malmiksita: kelkaj likvoj miksiĝas ĉe alta temperaturo kaj malmiksiĝas ĉe malvarmiĝo
pistomiksi tr kune pisti du aŭ plurajn substancojn por ilin miksi.
rasmiksi tr kunparigi du estaĵojn el malsamaj rasoj por reprodukto. ➞ mestizo, mulato.
reakciomiksaĵo KEMI reakciiga miksaĵo.
senmiksa tia, ke oni enmiksis nenion en ĝin. ➞ pura 1.
sonmiksilo SPEK MUZI miksilo 2.
vinmiksaĵo KUIR produkto el malsamaj vinoj, mostoj aŭ vinberoj kune, ekz. el diversaj regionoj aŭ vitejoj, aŭ el blankaj kaj ruĝaj vinberoj.