PIV · 12096
perturb/i
perturb/i (tr) Kaŭzi malordon: perturbita digestado, televida ricevado.
perturbo
1 ⚕ Malordo en la korpo aŭ en la psiko, ĝenanta ties normalan funkciadon: perturbo en la sanga cirkulado.
2 ☼ Malordo en la funkciado de ekosistemo pro ekz. poluado, senarbarigo, incendio.
3 Ⓣ Malordo aŭ nefunkciado de maŝino, aparato, elektra cirkvito ks.
4 ☐ Rompo de la reguleco ĉe fenomeno: maraj, akvaj, atmosferaj perturboj (neregulaĵoj en la ondiĝo aŭ fluado), rotaciaj perturboj de planedo.
5 ☇ Interrompo en radioaŭskultado, kaŭzita de eksteraj fenomenoj: parazita perturbo (kaŭzita de la funkciado de elektraj maŝinoj ktp). ☞ atmosferaĵoj, intermikso, ĵami.
perturbiĝi. Havi perturbojn.
perturbografo ⏚ Aparato por mezuri la amplitudon k daŭron de perturbo en elektra reto.
senperturbigi ☐ ⏚ Forigi perturbojn en aparatoj, konduktlineoj ks.
glutperturbo ⚕ Ĝeno en la glutado, kaŭzita de ezofaga lezo.
stomakperturbo ⚕ Simptoma komplekso, karakterizata de stomak-intestaj ĝenoj, kun aŭ sen febro, kaŭzitaj aŭ de infektoj, aŭ de toksiĝo.