PIV 2026 · Artikolo 16546
★verŝi
Derivaĵoj en la artikolo 19
★ verŝi tr
1 fluigi likvon el ujo: verŝi vinon el botelo en glason verŝi bolantan akvon sur teon mi verŝos akvon sur la soifantaĵon kaj torentojn sur la sekan teron MT li starigis ĝin ŝtonon kiel monumenton, kaj verŝis oleon sur ĝian supron MT verŝi cementon sur ŝoseon
(analoge) la belaj okuloj komencis verŝi larmojn Z se iu verŝos sangon de homo, lia sango ankaŭ estos verŝita de homo MT verŝi sian sangon por oferi sian vivon
(figurasence) verŝi oleon sur malkvietajn ondojn provi konsoli, pacigi verŝi akvon en sian vinon kompromisemi verŝi malvarman akvon sur ies entuziasmon seniluziigi
➞ ŝuti.2 elsendi aŭ elradii ion abstraktan aŭ nematerian: oni vidis herbaron, sur kiun la subiranta suno verŝis siajn oblikvajn radiojn B opinioj de pluraj landaj organizoj, verŝitaj en diversaj kunsidoj MGu
(figurasence) de la tuta ĉielo la alaŭdoj verŝis siajn kantojn B la Eternulo verŝis en ilin spiriton de konfuzo MT la dioj verŝis sur vin ĉiujn favorojn B ŝi iafoje verŝis tiajn insultojn, ke la kufo kun la garnaĵo saltis sur ŝia kapo B la vizitoj kaj promesoj de Samentu verŝis novan kuraĝon en la koron de l’ faraono B
➞ pluvigi.verŝo, verŝado ag(ad)o verŝi.
verŝiĝi iĝi verŝita: la pluvo senfine verŝiĝis el la nigraj nuboj la akvo brue verŝiĝis en la dronantan ŝipon Z kaj la akvo verŝiĝis ĉirkaŭen de la altaro MT (figurasence) al vi el mia koro ŝvelaverŝiĝu nun ĉi kanto KKa
verŝilo
1 ujo kun beko kaj tenilo, uzata por verŝi varmajn trinkaĵojn.
2 en antikvaj kaj mezepokaj tempoj ujo simila al verŝilo 1, uzata por verŝi akvon sur la manojn de manĝantoj.
verŝisto en la antikvaj aŭ orientaj landoj viro, plej ofte juna, kies ofico estis verŝi vinon al festenantoj.
disverŝi verŝi ion por dise kovri ion alian: disverŝi inkon sur paperon disverŝi saŭcon sur tablotukon (figurasence) kiaj nekalkuleblaj riĉaĵoj estas disverŝitaj en la granda regno de la naturo! Z
elverŝi
1 eligi substancon verŝante: la nuboj elverŝas roson MT fianĉino dum la edziniga ceremonio certe ne devas elverŝi tiom da larmoj, kiom mia knabo elverŝis en tiu tago! Z envenante al la edzino de sia frato, li elverŝadis la semon sur la teron MT
(figurasence) la buŝo de malĉastulino elverŝas mielon MT valorega rekompenco por via elverŝita sango Z Li elverŝis Sian koleron kiel fajron MT elverŝu kiel akvon vian koron antaŭ la vizaĝo de la Sinjoro MT
2 malplenigi ion per verŝado: la anĝelo elverŝis sian pelvon sur la teron NT edzino elspezema pli elverŝas la monujon per funelo, ol edzo enverŝas per sitelo Z ne elverŝu la malpuran, antaŭ ol vi havas la puran Z
elverŝiĝi iĝi elverŝita: se la kaliko tro pleniĝas, la vino elverŝiĝas Z (analoge) sagoj, kiuj elverŝiĝis super ŝi kiel ĉion ŝutkovranta hajlego Z (figurasence) ĉiuj tiuj pensoj, kiuj emociis la bruston de la birdo, volis elverŝiĝi per kanto Z de la manoj ĝis lipoj la sup’ elverŝiĝis Z
enverŝi verŝi ion en ion alian: trinku el la vino, kiun mi enverŝis MT (figurasence) li enverŝis oleon en la fajron incitis al malpaco MD
enverŝiĝi iĝi enverŝita: rivero, kiu enverŝiĝis en la sovaĝan maron Z (figurasence) de la momento, kiam li aliĝis al nia anaro, en nian aferon enverŝiĝis ia nova energio Z
fandverŝifluigi fanditan likvan metalon en muldilon: fandverŝi feron fandverŝi bronzon fandverŝi oron
fandverŝo ago fandverŝi: atenti la fandverŝon
kor1elverŝo BELE senbrida ellaso de emocio, precipe en beletro: poeziamantoj, kiuj deziras melodiajn, simplajn korelverŝojn MBo
oferverŝiverŝi parton de likvo kiel oferon: oferverŝi vinon oferverŝi oleon
priverŝi malsekigi ion verŝante: iu do kredeble ilin la florojn priverŝadis Z ĉiun nokton mi priverŝas mian liton MT ŝi komencis priverŝi liajn piedojn per siaj larmoj NT Sin. surverŝi.
sangoverŝo vundado aŭ pereigo de homoj pro batalo: sangoverŝo kruela kaj severa MT la urbo estis prenita sen sangoverŝo
superverŝi inundi: Nilo ne superverŝu la landon en la komenco de l’ jaro B
(figurasence) ili la fremduloj superverŝis kaj dronigis en siaj ondoj la antaŭajn loĝantojn de la lando B ruĝa koloro malrapide superverŝas la blankajn vangojn de Alice VVa
surverŝi priverŝi: li zorgis pri sia tualeto kaj surverŝis sin per parfumoj B larmoj fluis sur ĝin kaj ĝin surverŝis B glacia ŝvito surverŝis Krum GMi
transverŝi verŝi substancon el unu vazo en alian, ordinare por apartigi la likvon disde la sedimento: transverŝi vinon el botelo en karafon