PIV 2026 · Artikolo 12387

★plekti

Litero P★ Fundamenta

Derivaĵoj en la artikolo 18
  1. plekto
  2. plektad/o
  3. plektaĵ/o
  4. plektil/o
  5. ĉirkaŭplekti
  6. ĉirkaŭplektiĝ/i
  7. enplekti
  8. harplektaĵ/o
  9. interplekti
  10. interplekto
  11. interplektiĝ/i
  12. interplektiĝ/o
  13. kvantum/a interplektiĝ/o
  14. kunplekti
  15. malplekti
  16. malplektil/o
  17. signalplektil/o
  18. traplekti
★ plekti tr
1 kunigi plurajn fadenformajn objektojn interkrucante ilin multfoje kaj regule: plekti harojn plekti ŝnurojn plekti pajlon ŝi plektis la verdan linon Z (figurasence) via lango plektas falsaĵon MT
2 elfari objekton krucigante fadenojn, ŝnurojn k.s. multfoje unu kun la alia: ni plektas al vi florkronon el asperuloj Z ŝi plektis al si liton el trunketoj de herboj Z el elasta ŝelo de saliko kaj el junko ili plektis fortikan reton Z lino, el kiu vi devas plekti dek unu maŝkirasojn Z (figurasence) fabeloj, kies enhavo, plektita el aperoj miraklaj, tiel forte ravas la imagon de infanoj Z ➞ ŝpini, triki.
3 TELE kombini plurajn signalojn por sendi ilin per unu komunika kanalo. ➞ plektado; kunplekti.
plekto ago plekti kaj ties rezulto: ĝi konsistas el plekto da ŝnuroj
plektado agado plekti: TELE frekvenca plektado tempa plektado
plektaĵo objekto farita el plektitaj fadenoj aŭ vergetoj: pajla plektaĵo de seĝo metalfadena plektaĵo de la kaĝo Z (figurasence) tiuj ideoj penetras tamen tra la densa plektaĵo de la homaj antaŭjuĝoj ➞ hurdo, krado, latiso, mato 1.
plektilo
1 ilo uzata por plekti.
ĉirkaŭplekti tr igi ion fadenforman volviĝi kun plektoj ĉirkaŭ stango, bastono k.s.: ĉirkaŭplekti izolan strion ĉirkaŭ kablo
ĉirkaŭplektiĝi iĝi ĉirkaŭplektita: grimpantaj vegetaĵoj ĉirkaŭplektiĝis ĉirkaŭ la palisoj
enplekti tr enmeti ion plektante: ili enplektis perlojn en ŝiajn harojn Z
harplektaĵo kunaĵo de tri longaj hartufoj, plate krucitaj.
interplekti tr plekti unu kun la alia(j): la patrino interplektis siajn manojn kaj preĝis Z ŝi fine ĉirkaŭprenis la flamantan frunton per siaj interplektitaj manoj Z la arboj sur ĝiaj bordoj interplektis siajn foliriĉajn suprojn Z ➞ impliki, interimpliki, interkruci.
interplekto komplika serio de objektoj, kiuj iom regule volve kruciĝas: la vepro estis nepenetrebla interplekto da branĉetoj (figurasence) mi intencis impliki ĝin historion de virino en interplekton da intrigoj Z
interplektiĝi iĝi interplektitaj (proprasence kaj figurasence).
interplektiĝo stato de objektoj interplektitaj.
kvantuma interplektiĝo FIZI fenomeno, laŭ kiu la kvantumaj statoj de partoj de fizika sistemo estas interdependaj, sendepende de la distanco inter tiuj partoj.
kunplekti kunigi ion plektante: kunplekti la pendantajn fadenojn TELE kunplekti signalojn (figurasence) kunplekti inter la anoj fortikan ligilon de solidareco
malplekti
1 disigi la plektitajn erojn de io: malplekti trikaĵon malplekti nodon malplekti intrigon
2 TELE reapartigi plektitajn signalojn. ➞ malplektilo.
malplektilo ilo uzata por malplekti.
signalplektilo TELE aparato por plekti signalojn. Sin. plektilo 2.
traplekti krucige trapasigi tra plektaĵo specialan elementon: traplekti bluan ŝtofon per flavaj fadenoj ĉiu ŝnurego estis traplektita per silko Z
(figurasence) argumentoj traplektitaj per multo da laŭtaj aŭtoritataj nomoj Z paroloj traplektitaj per diversaj citatoj citaĵoj Z
➞ tredi.