PIV 2026 · Artikolo 7981
koeficiento
Derivaĵoj en la artikolo 11
koeficiento
1 MATE konstanta grando, per kiu oni multipliku variablon: en la polinomo 3x2 + 4x + 5 la nombroj 3, 4 kaj 5 estas koeficientoj
2 FIZI grando karakterizanta la influon de materia eco aŭ de fizika strukturo sur fizikan interrilaton: en fizikaj ekvacioj koeficientoj aperas kiel faktoro k, kun kiu variigebla grando x estas multiplikata por ricevi novan grandon y (t.e. y = kx)
koeficiento de atenuo, koeficiento de atenuiĝo ELEK TELE grando egala al la kvociento de indico de atenuiĝo per kilometra longo de la lineo. simbolo: α (alfo 2)
koeficiento de fazo ELEK TELE grando egala al la kvociento de indico de fazo per la kilometra longo de la lineo. simbolo: β (beto 2)
koeficiento de fineso AVIA ĉe ŝvebanta glisilo rilatumo de la flugota distanco al la altitudo, je kiu oni ellasis ĝin.
koeficiento de interindukto FIZI interinduktanco.
koeficiento de propago ELEK TELE kompleksa grando egala al la kvociento de la indico de propago per la kilometra longo de la lineo. simbolo: γ (gamo 2)
binoma koeficiento MATE unu el la nombroj C(n,k) = n!/(n − k)!k!, la koeficientoj de xk en la n-a potenco de la binomo 1 + x.
frotkoeficiento FIZI la rilatumo de la pezo de objekto movata laŭ surfaco kaj la forto kiu tenas la objekton en kontakto kun la surfaco.
kunvarianca koeficiento STAT pri du stokastaj variabloj X kaj Y la kunvarianco de X kaj Y, dividita per la produto de la norma devio de X kaj la norma devio de Y.
reflekta koeficiento grado, laŭ kiu lumo estas reflektata.
temperatura koeficiento FIZI
1 inter difinitaj temperaturoj kvociento de la variado de la koncerna eco per la temperatura diferenco, kiu produktas ĝin.
2 je difinita temperaturo limvaloro de la meza koeficiento, se la temperatura diferenco estas tre malgranda.