PIV 2026 · Artikolo 12085
★persekuti
Derivaĵoj en la artikolo 6
★ persekuti tr
1 kurante sekvi iun por atingi aŭ malamike trakti: la ĉasisto persekutas leporon rabobirdoj persekutis la kolombojn B li kaj liaj domanoj persekutis ilin ĝis Ĥoba MT la krimulo estis persekutata kaj kaptita ➞ ĉasi, peli, postkuri.
2 konstante turmentadi iun per severaj, maljustaj aŭ kruelaj malbonfaroj aŭ leĝoj: Mi persekutos ilin per glavo, per malsato, kaj per pesto MT Nerono persekutis la kristanojn B de jarcentoj la judoj estis persekutataj, sed neniam tiel abomeninde, kiel en la 20a jarcento feliĉaj estas tiuj, kiuj estas persekutitaj pro justeco NT (figurasence) la malfeliĉo persekutis min ankaŭ tie Z
3 JURO voki iun kiel akuziton antaŭ tribunalon: persekuti debitoron
persekuto, persekutado ago persekuti: la persekutoj kontraŭ Esperanto MEDI deliro pri persekuto manio pri persekuto la granda persekutado de la hebreoj komenciĝis dum la krucmilitiroj Z religia persekutado al la herezuloj ➞ genocido, linĉado, pogromo.
persekutanto iu, kiu persekutas: Paŭlo estis persekutanto de la unuaj kristanoj antaŭ sia konvertiĝo pli rapidaj ol agloj de la ĉielo estis niaj persekutantoj MT savu min de miaj persekutantoj MT
persekutiĝo stato de iu, kiu estas aŭ kredas sin persekutata: vivi en konstanta persekutiĝo
persekutisto JURO oficisto oficiale komisiita plenumi la decidojn de tribunalo.
mortpersekutipersekuti 1 ĝis mortigo: mortpersekuti cervon