PIV 2026 · Artikolo 12674
★precipa
★ precipa plej grava; ĉefa: la precipa rolo la precipa motivo la precipaj punktoj de parolado genio, kiu volis elpensi ion novan, ion tute precipan Z
precipe antaŭ ĉio; ĉefe; pli ol ĉio aŭ ĉiu alia: sur tiuj ĉi kampoj paŝtas sin grandaj brutaroj, precipe aroj da bellanaj ŝafoj FE precipe mirigas min la granda pago por la paĝigado Z precipe rigardu, ke vi en nenio superpaŝu la moderecon de la naturo Z la reĝo kaj precipe la reĝidino koleris B ĉi tiujn plej malfacilajn laborojn, precipe en la ŝtonminejoj, plenumis krimuloj B