★privat/a

1 Plenumanta nenian oficialan rolon: alveturis oficisto kun la ordono revizi la tutan gubernion […], kvankam li prezentas sin kiel privatan personon ^Z; Sullo, rezigninte pri la diktatoreco, fariĝis privata homo; privata (ne ŝtata) oficisto, instruisto; privata sendito de la Usona Prezidanto; (analoge) privata kaso de suvereno; privataj lernejoj, institucioj; miaj Respondoj devas esti rigardataj kiel opinioj k konsiloj absolute privataj ^Z.

2 Rezervita al difinitaj personoj, ne publika: privata kunsido de la Akademio; privata enirejo; privata prezentado de filmo; tion mi eksciis per privata kanalo.

3 Koncernanta nur unu personon k ne la aliajn: privata loĝejo ^B; tiu kontrakto estas mia afero pure privata k privatpersona ^Z; tio ĉi estas privata afero de la redaktejo ^Z; vivon privatan kaŝu la muroj ^Z.