PIV 2026 · Artikolo 13443

rezoni

Litero R

Derivaĵoj en la artikolo 5
  1. rezono
  2. rezonad/o
  3. rezonem/a
  4. cirkl/orezono
  5. misrezoni
rezoni ntr
1 logike kunmeti argumentojn kaj tiri el ili konkludon: ĝuste rezoni rezoni per analogio ne rezonu pri tio, kio estas ekster via metio Z ➞ demonstri, pruvi, racio.
2 (figurasence) argumenti por ne obei: mi estas feliĉa direktoro, mia personaro ne rezonas Z ne rezonadu. Petu lin pri pardono, kiel mi diras al vi Z ➞ grumbli, rompi 3 Ⓔ.
rezono, rezonado ago rezoni: neniaj komitatoj povas per blinde palpanta rezonado trovi la efektivajn bezonojn de nia lingvo Z rezonado kaj filozofado panon ne donas Z
rezonema inklina al rezonado pli ol al agado aŭ obeado.
cirklorezono misrezono, en kiu oni uzas kiel pruvon la pruvotaĵon. Sin. diabla cirklo 2, erara rondo.
misrezoni malĝuste rezoni.