PIV 2026 · Artikolo 13511
★risorto
Derivaĵoj en la artikolo 6
★ risorto elasta lameno aŭ fadeno el metalo aŭ alia materialo, kapabla repreni la antaŭan formon, post kiam ĝi estis fleksita, premita aŭ streĉita: risorto de horloĝo B risorto de kanapo B risorto de kaleŝo B kaŝita risorto liberigis la tirkeston li bezonis nur alpremi risorton, tiam miloj da kugloj flugis Z spirala risorto
risorta provizita per risorto(j): risorta matraco B risorta ĉareto
risorti ntr esti elasta kiel risorto: jam malpeze lia paŝ’ risortas WAu
risortaro tuto de la risortoj, kiuj evitigas al veturilo skuojn: risortaro de fiakro risortaro de aŭto risortaro de manĝvagono
risorteco
1 eco de risorto. ➞ elasteco.
2 EKOL eco de ekosistemo rezisti al perturbo kaj poste retrovi sian originan staton.
kluĉrisorto risorto, kiu fikstenas la denton de kluĉilo.
spiralrisorto risorto en formo de spiralo.