PIV 2026 · Artikolo 3716
★elasta
★ elasta
1 tia, ke ĝi facile kuntiriĝas, etendiĝas aŭ aliformiĝas pro premanta aŭ tiranta forto, kaj reprenas sian antaŭan formon, kiam tiu forto ĉesas: la gasoj estas tre elastaj elasta vergo elasta ŝelko elasta risorto ➞ deformebla.
2 tre fleksiĝema aŭ malrigida: elastaj estas liaj brakoj MT gracia kaj elasta talio Z enirante per elasta paŝo LiZ (figurasence) elasta konscienco ne tre skrupula ➞ supla.
3 facile adaptebla al diversaj cirkonstancoj: la signifo de la afiksoj devas resti elasta la elasta verbo «meti»
elasto FIZI grando difinanta la gradon de elasta konduto de substanco. simbolo: E
elasteco
1 FIZI eco de korpo, kiu povas ŝanĝi sian formon sub la influo de meĥanikaj fortoj kaj repreni sian originan formon, post kiam tiuj fortoj ĉesis.
2 (figurasence) eco de io fleksiĝema: nenio povis konkuri kun la elasteco de iliaj saltoj Z ŝiaj flugiloj ĵetadis ŝin en diversaj direktoj kun miriga elasteco kaj facileco de movoj Z
3 EKON rilato inter du variadoj proporciaj, kiu mezuras la sentemon de variablo al la ŝanĝo de alia. simbolo: η elasteco de postulo pri prezo
elastiĝi iĝi elasta: nia lingvo mem konstante pli elastiĝas Z