PIV 2026 · Artikolo 13632
★rubando
Derivaĵoj en la artikolo 10
★ rubando
1 longa mallarĝa teksaĵo el silko, kotono, lano k.s., uzata i.a. kiel ornamo: ŝi nodis malantaŭ si la rubandojn de sia antaŭtuko la fuko, longa kaj mallarĝa kiel tolaj rubandoj Z bala kapvesto el interplektitaj rubandoj banto el rubandoj bukedo ligita per rubando ➞ bendo, galono, kokardo, pasamento, strio.
2 peco el rubando 1 de aparta koloro, portata kiel rekonilo, atesto de aparteneco al klubo, signo de ordeno k.s.: li havis la rubandojn de sia aristokrata lernejo ordenaj rubandoj Z
3 longa mallarĝa peco el supla materialo, kun paralelaj randoj: rubando el ŝtalo akvolilio, al la fundo alkroĉita per longa verda rubando Z la cignoj ŝvebis unu post la alia, tio aspektis kiel longa blanka rubando Z ➞ bendo, lameno.
rubandeto mallarĝa rubando: du rozaj rubandetoj flirtis de tempio G abundaj harligoj, inter kiuj iufoje per roza aŭ blua koloro brilis ia rubandeto Z
ĉapelrubando rubando ĉirkaŭanta la bazon de ĉapelo.
eĝrubando iom dika rubando, uzata por fortikigi kaj ŝirmi la eĝon de ŝtofo, jupo, mateto, tapiŝo k.s.
flagrubandopeco de rubando kun difinitaj koloroj, fiksita ĉe unu fino kaj libere ondanta ĉe la alia: en la internacia signalaro flagrubandoj montras la ciferojn
inkrubando en skribmaŝino rubando trapenetrita de inko kaj metata inter la tipoj kaj la papero.
izolrubando ELEK adhera rubando por izoli dratojn.
kartoĉrubando strio el ŝtofo aŭ el metala artikita bendo, sur kiu estas fiksitaj kartoĉoj, uzata por la ŝargado de maŝinpafiloj.
mezurrubando laktola mezurbendo uzata de tajloroj, kudristinoj k.s.
ordenrubando ordeno 4 el rubando.
ŝtrumporubando krurzono.