PIV 2026 · Artikolo 1387

aŭguro

Litero A

Derivaĵoj en la artikolo 9
  1. aŭgura
  2. aŭguri
  3. aŭgurad/o
  4. aŭgurist/o
  5. aŭgurist/in/o
  6. bonaŭgura
  7. kartaŭguri
  8. kart-aŭguri
  9. mal/bonaŭgura
aŭguro
1 signo interpretata por antaŭvidi estontan okazaĵon: observi la aŭgurojn li solvos ja la aŭguron KKa
2 (figurasence) antaŭsigno: tiu unua sukceso estas bona aŭguro por la fina venko ➞ aŭspicio, prognozo.
aŭgura
1 rilata al aŭguroj; rigardata kiel aŭguro: aŭgura sonĝo LiZ
2 rilata al aŭgurado: letero kies enhavo rivelas vere aŭguran kapablon OE
aŭguri tr
1 HIST diveni estontaĵon per observo de birdoflugo aŭ de ĉielaj fenomenoj: etruskoj instruis al romanoj aŭguri
2 antaŭvidi kaj antaŭdiri ion per ia ajn rimedo: ĝi estas ja tiu pokalo, el kiu trinkas mia sinjoro, kaj li ankaŭ aŭguras sur ĝi! MT li diris: Aŭguru al mi per via aŭgura povoscio, kaj elvoku al mi tiun MT la tri sorĉistinoj aŭguris al Makbeto la reĝecon
3 (figurasence) antaŭimagi ion: el tia konfuza situacio mi aŭguras nenion bonan litva popol’ rigardis kometon
Kaj malbonon aŭguris el ĝi G
4 (figurasence) esti la antaŭsigno de io: ĉu militon aŭgurus de armiloj sono? G
aŭgurado praktikado de la aŭgura arto: knabino, kiu per aŭgurado alportadis al siaj mastroj multan gajnon NT
aŭguristo, aŭguristino
1 pastro aŭ pastrino, kies rolo ĉe la romanoj estis diveni la estontaĵon laŭ la aŭguroj: Cicerono skribis, ke du aŭguristoj ne povas renkonti unu la alian sen rideto
2 divenisto aŭ divenistino: ne devas troviĝi inter vi aŭguristo, antaŭdiristo, magiisto, sorĉisto, nek elvokisto de spiritoj, nek signoklarigisto, nek esploristo de mortintoj MT
Sin. birdodivenisto, signoklarigisto.
bonaŭgura signanta feliĉan okazontaĵon: bonaŭgura koincido
kartaŭguri, kart-aŭguriaŭguri ies estontecon laŭ la kartoj: filino
Amuze kart-aŭguris al Ĉambelanino G
Sin. kartodiveni.
malbonaŭgura signanta malfeliĉan okazontaĵon: kia malbonaŭgura birdo vi estas! Z