PIV 2026 · Artikolo 13957

★segi

Litero S★ Fundamenta

Derivaĵoj en la artikolo 12
  1. segad/o
  2. segaĵ/o
  3. segej/o
  4. segil/o
  5. rond/a segil/o
  6. sen/fin/a segil/o
  7. trapez/a segil/o
  8. segist/o
  9. bend/osegil/o
  10. ĉensegil/o
  11. klinsegil/o
  12. mansegil/o
★ segi tr tranĉi ion per segilo: segi poplon segi branĉon de arbo segi tabulon segi platon el marmoro segi oston segi membron segi metalplaton
segado agado de iu, kiu segas. ➞ segadstreko, segboko, segvojo.
segaĵoligneretoj produktitaj de segado. Sin. segpolvo.
segejo establo, kie oni segadas arbojn al tabuloj.
segilo aparato por tranĉi, kiu konsistas ĉefe el ŝtala klingo havanta dentojn kaj ordinare ŝovata alterne antaŭen kaj malantaŭen: ĉu povas segilo fieri antaŭ tiu, kiu ĝin tiras? MT (analoge) muzika segilo instrumento el ŝtala klingo, kiun oni vibrigas ➞ segildenta, segmaŝino, segilvojo.
ronda segilo segilo konsistanta el ronda ŝtala plato, kies rando havas dentojn.
senfina segilo segilo konsistanta el ŝtala bendo, kies du ekstremoj estas kunvelditaj.
trapeza segilo segilo, kies klingo havas trapezan formon kun tenilo ĉe unu ekstremo.Sin. mansegilo.
segisto homo, kies profesio estas segado.
bendosegilokontinua dentohava ŝtala bendo, kies du ekstremoj estas brazitaj unu al la alia.
ĉensegilo meĥanika dentohava ĉeno por segi arbojn, ŝtipojn k.s. Sin. segĉeno.
klinsegilo segilo, kies klingo povas esti klinita laŭ la bezonoj de la tasko.
mansegilo trapeza segilo.