PIV 2026 · Artikolo 14070

serena

Litero S

Derivaĵoj en la artikolo 6
  1. serenec/o
  2. sereneg/a
  3. serenig/i
  4. sereniĝ/i
  5. malserena
  6. malserenig/i
serena
1 tia, ke ĝin malkvietigas nenio: serena sennuba frosta vetero Z estis trankvila, serena vespero Z serena senventa maro serena ĉielo B en serene verda somera tago Z
2 (figurasence) tia, ke ĝin maltrankviligas nenio: junaj homoj kun serenaj aŭ serioze meditantaj vizaĝoj Z serena voĉo serena rideto
sereneco eco de io aŭ· iu serena: nenio konfuzis lian serenecon
serenega honora epiteto de iuj princoj aŭ suverenoj: Lia serenega Alteco princo de Monako la Serenega Respubliko Venecio
serenigi igi ion serena: sed kiu do la reĝon serenigis? Z la serenigitan de la morto noblan vizaĝon Z
sereniĝi iĝi serena: la vizaĝo de la rabeno tute sereniĝis Z lia frunto iom sereniĝis B
malserena malkvietigita aŭ maltrankviligita de io: malserena kolermiena malliberulo Z malserenaj, malbonimpresaj domoj Z kun sekaj kaj malserene flamantaj okuloj Z «vi blasfemas » — malserene murmuris la rabeno Z
malserenigi igi ion malserena: alproksimiĝanta tempesto malserenigis la ĉielon