★si

1 per finitiva verbo: li amas sin mem ^Z; ŝi lavas sin ^Z; ŝipo kiu sin movas ^Z; ili ĵetis sin sur min ^Z; paŝtas sin grandaj brutaroj ^Z; ŝi kombas al si la harojn ^Z; ĉiu por si mem estas la plej kara ^Z ktp;

2 per inf.: demeti de si la antikvan Adamon ^Z; la mizero kutimigis lin levi sin tre frue ^Z; la sinjoro ordonis al la servisto vesti sin rapide;

3 per participo: lia fratino malkovris al li la koron de la memvole sin forpelinta filino ^Z;

4 per subst., esprimanta agon: tia flatado al si estas naŭza;

5 per adj., entenanta ideon de ago: li vivas kun virino tro postulema por si. Rim. 1 Kiam la senco tion ebligas, la refleksivo povas akiri nuancon de reciprokeco, komparu: li kisis ŝin ^Z k ili kisis sin ^Z; sed plejofte tiu nuanco estas precizigita per adv.: montradi al si reciproke la dentojn ^Z; oni ankaŭ povas uzi la komplekson «unu (la) alia(j)n», sed sen esprimo de la refleksivo: ne trompu unu alian ^Z. Rim. 2 Kiam temas pri korpoparto, Z. prefere uzadas la formon «al si», ol la adj-an sian: li bruligis al si la lipharojn ^Z. Rim. 3 si en la formuloj en si, per si (mem) k inter si perdas la ligitecon kun la subjekto, k la tuta formulo estas rigardata kiel unu adverbaĵo: oni ne povas ekkoni la realon en si (tia, kia ĝi estas esence); oni komprenis liajn gestojn per si mem (propraefike, sen bezono de klarigo); tiujn malsamajn objektojn miksi inter si oni neniel devas ^Z (reciproke). Rim. 4 sin estas ofte uzata kiel pref., kun la signifo de mem: sindefendo, sinregado, singarda, sindona, sintrotakseco ^Z ktp. En tia okazo sin perdas ĉian ligitecon kun la tria persono: via sindonemo estas senfina ^Z.