PIV 2026 · Artikolo 14485

★soifi

Litero S★ Fundamenta

Derivaĵoj en la artikolo 6
  1. soifa
  2. soifo
  3. soifig/i
  4. malsoifig/i
  5. sensoifig/i
  6. sensoifig/aĵ/o
★ soifi
1 ntr senti bezonon aŭ deziron trinki: miaj servantoj trinkos, kaj vi soifos MT oni devigas ilin treti en vinpremejoj, dum ili mem estas soifantaj MT mi soifis, kaj vi donis al mi trinki NT (figurasence) la tero soifas
2 tr forte deziri aŭ aspiri ion: soifi venĝon soifi ripozon mia animo soifas Dion MT feliĉaj estas tiuj, kiuj malsatas kaj soifas justecon, ĉar ili satiĝos NT ne al glavo sangon soifanta Z
soifa sentanta soifon: se li estas soifa, trinkigu al li akvon MT
soifo
1 sento de iu, kiu bezonas trinki: senfortiĝi de soifo MT la lango de suĉinfano algluiĝis al ĝia palato pro soifo MT sovaĝaj azenoj kvietigas sian soifon MT en mia soifo ili trinkigis al mi vinagron MT en la dormo oni sentas nek malsaton nek soifon Z
2 forta deziro: Mi sendos ne soifon pri akvo, sed soifon por aŭskultado de la vortoj de la Eternulo MT tiu ardo kaj kvazaŭ anima soifo je la vortoj de la evangelio Z soifo al la scienco B soifo je kisoj havi soifon legadi hejman lingvon
soifigi fari iun soifa: la kurado kaj varmeco soifigis la knabojn
malsoifigi, sensoifigi ĉesigi ies soifon: li haltis, por sensoifigi sian kamelon la pluvo malsoifigas la teron MT
sensoifigaĵo trinkaĵo.