PIV 2026 · Artikolo 15035

★suspekti

Litero S★ Fundamenta

Derivaĵoj en la artikolo 8
  1. suspekta
  2. suspekto
  3. suspektem/a
  4. suspektem/ec/o
  5. suspektig/i
  6. suspektind/a
  7. nesuspektebl/a
  8. sensuspekte
★ suspekti tr
1 inklini akuzi iun pri io, sen certa pruvo: suspekti iun pri ŝtelo B tiele min suspekti, min, kiu estas la senkulpeco mem! Z vi ne suspektas la fidelulojn de la sola Dio, ke ili kredas je la sankteco de l’ bestoj B
2 akcepti la eblecon aŭ probablecon de io malbona: kie ĵuron vi aŭdas, malbonon suspektu Z oni suspektos ian kaŝitan kaŭzon, eble malpacon inter mi kaj la organizantoj Z oni povus diri, ke la firmo pagas al mi pro iaj suspektataj celoj Z
3 duonkredi ion laŭ ŝajnoj; imagi ion sen granda certeco:la princo suspektis, ke oni volis lin trompi B oni suspektos, ke mi ne havas sufiĉe da kuraĝo por defendi miajn ideojn Z ĝi ne suspektis, ke mi estas ĉi tie Z mi suspektis, ke vi estis venonta Z sen tio tiuj pomarboj oni neniam povus suspekti, ke tio estas ĝardeno Z ili vere estis belegaj, sed ili mem tion ne suspektis Z neniu eĉ suspektis, kian gravan rolon ŝi iam ludis ĉi tie Z ➞ supozi.
suspekta tia, ke oni suspektas ion malbonan: mi ne volis trinki la vinon, ĉar ĝi enhavis en si ian suspektan malklaraĵon FE lia najbareco tuj estis por mi suspekta Z de kiam la afero ekŝajnis al vi suspekta? Z Vi publike ĵetas sur min suspektajn aludojn Z mi trovas suspekta la aŭtentikecon de tiu dokumento
suspekto opinio de iu, kiu suspektas: veki suspekton mi ne scias, kien la suspekton mi devas nun direkti Z suspekto pruvon ne egalas Z peza atmosfero, plena de atakoj kaj suspektoj Z ĝis la lasta momento ni ne havis eĉ la plej malgrandan suspekton, ke li havas ian kaŝitan intencon Z tio enkondukos nian aferon kredeble en suspekton ĉe la registaroj Z
suspektema inklina suspekti: mi malamas la suspektemajn edzojn Z
suspektemeco eco de iu suspektema: sub la impreso de la leteroj mia suspektemeco malaperis Z
suspektigi igi iun aŭ ion suspekta: krei malkonkordon inter ni, suspektigi niajn gvidantojn ILa eviti ĉiujn paŝojn, kiuj povus ĝin Esperanton suspektigi en la okuloj de la aŭtoritatoj ULi lia mensogo tuj suspektigis lin pri la murdo (analoge) fajroglobo ĉe la ĉielo suspektigas supozigas flugmaŝinan akcidenton FGR
suspektinda tia, ke li, ŝi aŭ ĝi meritas esti suspektata: la konduto de s-ro de Beaufront ŝajnas al mi tre suspektinda Z oni ne vidu en tio ĉi ion suspektindan Z suspektinda silento B
nesuspektebla tia, ke oni ne povas lin, ŝin aŭ ĝin suspekti: la edzino de Cezaro devas esti nesuspektebla
sensuspekte sen ia suspekto; fidante.