PIV 2026 · Artikolo 15108
★ŝarko
★ ŝarko ZOOL fiŝo kun longforma korpo, kartilaga skeleto, nesimetria vosto kaj triangulaj brustaj naĝiloj; kelkaj estas gravaj rabfiŝoj, danĝeraj eĉ por naĝanta homo. membro de la divizio Selachii (ŝarkoj) el la klaso Chondrichthyes ➞ rajo.
martelŝarko ŝarko el la varmaj maroj; la antaŭa parto de la kapo estas plata kaj duloba, en formo de martelkapo. familio Sphyrnidae
mustelŝarko malgranda ŝarko, grize bruna dorse kaj blanka sube, ofta en Atlantiko kaj Mediteraneo. genro Mustelus, tipa specio Mustelus mustelus Sin. marmustelo.