★telegraf/o

PIV · 15456

telegraf/o. Aparato, optika aŭ elektra por transsendi, per interkonsentitaj signaloj, informojn je granda distanco: subtera, submara, aera telegrafo (kies lineoj troviĝas enterigitaj, kuŝantaj sur la marfundo aŭ alkroĉitaj ĉe fostoj laŭlonge de vojoj, fervojoj ); bildiga telegrafo (transsendanta bildojn), neritma telegrafo (teletajpilo); tipopresa telegrafo (tradukanta aŭtomate la signalojn ricevitajn k presanta la informojn tipoprese sur paperbendon).

telegrafa. Rilata al telegrafo: telegrafa depeŝo, adreso, kodo; () telegrafa stilo (tre konciza).

telegrafi () Sciigi per telegrafo: mi telegrafos al vi morgaŭ, ĉu mi venos aŭ ne.

telegrafaĵo. Informo, komunikita per telegrafo: lasthora telegrafaĵo de nia speciala sendito.

telegrafio. Sistemo de transsendado de signaloj per optikaj aŭ elektraj ondoj: ambaŭsenca, bildiga, duope-kvarobla telegrafio; simultana, sonfrekvenca, subsona telegrafio.

telegrafia. Rilata al telegrafio: la telegrafia administracio.

fototelegrafio. Sistemo de transsendado de bildoj per telegrafio.

radiotelegrafio Telegrafa sistemo, kiu uzas la elektromagnetajn ondojn; senfadena telegrafio.