PIV 2026 · Artikolo 15285

tajpi

Litero T

Derivaĵoj en la artikolo 12
  1. tajpad/o
  2. tajpaĵ/o
  3. tajpec/a
  4. tajpil/o
  5. tajpist/o
  6. tajpist/in/o
  7. eltajpil/o
  8. mistajpi
  9. mistajpo
  10. teletajpi
  11. teletajpil/o
  12. tru/kart/otajpil/o
tajpi tr skribi tekston per la klavoj de komputilo aŭ alia maŝino: tajpi korespondaĵon Sin. maŝinskribi. ➞ komposti, klavi.
tajpado ago aŭ maniero tajpi: la tajpado de tiu manuskripto postulos kvin monatojn via tajpado estas tro hakata
tajpaĵo tio, kio estis tajpita: bele prezentita tajpaĵo
tajpeca kun la aspekto de tajpaĵo: tajpeca fasono tajpeca tiparo karakterizata de egallarĝaj signoj, historie kun grandaj serifoj
tajpilo aparato por tajpi rekte sur paperon: meĥanika tajpilo elektra tajpilo telegrafia tajpilo Sin. skribmaŝino. ➞ klavaro, inkrubando.
tajpisto, tajpistino homo, kies metio estas tajpado. ➞ sekretario.
eltajpilo KOMP presilo uzata nur por teksto.
mistajpi fari tajperaron: li nur mistajpis «ofte» anstataŭ «ope» PDS
mistajpo tajperaro: multegaj mistajpoj, gramatikaj eraroj kaj stilaj strangaĵoj foje komplikas la komprenon OE
teletajpi sendi per teletajpilo: teletajpi la kurzojn de borso
teletajpilo
1 aparato, kiu skribas tekston laŭ telegrafia signalo.
2 simila aparato, ekipita ankaŭ per klavaro kaj antaŭe uzata por komunikado inter homoj aŭ inter homo kaj komputilo. ➞ telekso, terminalo.
trukartotajpilo KOMP HIST aparato por produkti trukartojn.