PIV 2026 · Artikolo 9132

★larĝa

Litero L★ Fundamenta

Derivaĵoj en la artikolo 20
  1. larĝe
  2. larĝo
  3. larĝaĵ/o
  4. larĝec/o
  5. larĝig/i
  6. larĝiĝ/i
  7. branĉ/olarĝa
  8. branĉlarĝa
  9. dislarĝig/i
  10. dislarĝiĝ/i
  11. egallarĝa
  12. fingr/olarĝo
  13. laŭlarĝa
  14. laŭlarĝe
  15. mallarĝa
  16. mallarĝej/o
  17. mallarĝig/i
  18. manlarĝa
  19. manlarĝo
  20. plilarĝig/i
★ larĝa
1 granda laŭ la direkto orta al la longo: larĝa rivero larĝa strato larĝa lito larĝa pordo larĝa fasado larĝa brusto larĝa vizaĝo larĝa mano ➞ branĉlarĝa, larĝranda, larĝaŝultra.
2 havanta ian difinitan dimension laŭ la direkto orta al la longo: rubando du centimetrojn larĝa vojeto larĝa je du paŝoj la markolo estas 32 kilometrojn larĝa
3 (figurasence) ne havanta ĝenajn limojn; lasanta agliberecon: larĝa ne alĝustigita vesto ➞ vasta 2 havi larĝan konsciencon ne esti tre skrupulema Z promeso estas larĝa, plenumo estas ŝarĝa Z larĝa estas la pordego kaj vasta estas la vojo kondukanta al la pereo NT havi larĝan buŝon esti maldiskreta MT havi larĝajn ideojn esti komprenema ➞ liberala, tolerema, vasta; larĝasenca.
larĝe en larĝa maniero: li alkuris al la pordo kaj malfermis ĝin larĝe Z vi miros, vi larĝe malfermos la okulojn! Z ŝi oscedis larĝe kaj laŭte Z el fremda ledo oni tranĉas larĝe Z vivi larĝe kaj lukse Z
larĝo difinita dimensio de io, mezurata laŭ la direkto orta al la longo: havi la larĝon de kvin ulnoj MT tiu ŝtofo havas unu metron da larĝo kurtenoj en duobla larĝo oni malfermis en la plena larĝo la pordegon Z stratoj, kies larĝo apenaŭ sufiĉis por bone ŝarĝita azeno Z kelke da personoj okupas la tutan larĝon de la trotuaro Z
larĝaĵo peco de ŝtofo, kalkulita inter la du randaĵoj: meti du larĝaĵojn en unu kurteno
larĝeco eco de io, kio estas larĝa 1 aŭ larĝa 3: la larĝeco de la foso malhelpis transsalti la larĝeco de lia spirito
larĝigi fari ion larĝa: larĝigi jupon larĝigi diskuton
larĝiĝi iĝi larĝa: la puncaj makuloj, kiuj troviĝis sur ŝiaj vangoj, malrapide larĝiĝis Z
branĉolarĝa, branĉlarĝa larĝa pro la etendiĝintaj branĉoj:branĉlarĝa arbo Z
dislarĝigi dise larĝigi ion: la korteganinoj stariĝis antaŭ ŝi, dislarĝigis siajn vestojn por ŝin kaŝi Z
dislarĝiĝi dise larĝiĝi: la manoj kun naĝmembrano dislarĝiĝis en formo de ventumilo! Z la kapo de la arbo dislarĝiĝis Z (figurasence) tiam la ebloj de teĥnika progreso dislarĝiĝos
egallarĝa
1 havanta egalan larĝon.
2 TIPO tiparo tia, ke ĉiuj ĝiaj signoj havas egalan larĝon. ➞ tajpeca.
fingrolarĝo larĝo de unu normala fingro: okulmezure, je du fingrolarĝoj dekstre!
laŭlarĝa aranĝita laŭ la direkto orta al la longo; transversa: laŭlarĝa benko Z laŭlarĝa streko Z ➞ laŭlonga.
laŭlarĝe en maniero laŭlarĝa: oni povas sekve tre mallongigi al si la vojon, se oni supreniras sur la teron kaj poste iras al la rivero laŭlarĝe Z trairu la landon laŭlonge kaj laŭlarĝe MT ŝi mezuris la kusenon laŭlarĝe OE
mallarĝa
1 malgranda laŭ la direkto orta al la longo: la fuko longa kaj mallarĝa kiel tolaj rubandoj Z mallarĝa vojeto FE mallarĝa pordo FE ➞ malvasta.
2 havanta ĝenajn limojn; ne lasanta multe da libereco: mallarĝa estas la pordo kondukanta al la vivo NT mallarĝa menso ➞ mallarĝmensa
mallarĝejo gorĝo 3: mallarĝejo de montaro aŭ valo ➞ botelkolo.
mallarĝigi igi ion mallarĝa: mallarĝigi la manikojn de mantelo
manlarĝa tiel larĝa kiel normala mano: manlarĝa listelo MT
manlarĝo
1 larĝo de normala mano: rigardu tie, unu manlarĝon dekstre de la bulforma arbo! ĝi havis la dikon de manlarĝo MT
2 BIBL spano: lia alteco estis ses ulnoj kaj unu manlarĝo MT
plilarĝigi fari ion pli larĝa: li tiel dikiĝos, ke lia edzino estos devigita plilarĝigi lian zonon B la oratoro devas senĉese klopodi plilarĝigi sian scion ILa