PIV 2026 · Artikolo 13167

1★rando

Litero R★ Fundamenta

Derivaĵoj en la artikolo 18
  1. randa
  2. randaĵ/o
  3. randum/o
  4. akr1/aranda
  5. boatrando
  6. dekstr/arandig/i
  7. draprandaĵ/o
  8. ĝisrande
  9. integr/aranda
  10. klinrando
  11. kreneloranda
  12. larĝranda
  13. ŝiprando
  14. tranĉ/orando
  15. tranĉrando
  16. trotuarrandaĵ/o
  17. vojrando
  18. vund/orando
1 ★ rando
1 ĉirkaŭa ekstrema parto de objekto, rigardata laŭ ĝia longo: rando de telero Z rando de kadro rando de tablo Z rando de lito Z rando de boato Z la tegmentoj de iliaj domoj ankaŭ estas pintaj kaj iliaj pagodaj randoj estas turnitaj supren B sidiĝi sur la rando de la puto Z sur la rando de foskavo Z kvastoj sur la randoj de siaj vestoj MT li kaptis ŝin je la rando de la tuko Z ➞ bordero, eĝo, flanko, marĝeno; randegaligi.
2 videbla linio, kie finiĝas ia etendaĵo en la spaco: la marmora sfinkso ĉe la rando de la dezerto Z la rando de la ĝardeno Z la rando de la arbaro Z la rando de la akvo Z al Vi venos nacioj de la randoj de la tero MT (analoge) orkovrita ĝi estis de rando ĝis rando Z (figurasence) troviĝi ĉe la rando de la ruino troviĝi ĉe la rando de la morto ➞ sojlo ➞ bordo, limo 1.
3 MATE pri aro 2 en topologia spaco la fermaĵo de la aro 2 minus ties malfermaĵo.
randa rilata al la rando.
randaĵo io, kio markas la randon de objekto: randaĵo de drapo elstara randaĵo de ĉapelo metala randaĵo de skribtablo silka randaĵo de ĵaketo ➞ draprandaĵo, trotuarrandaĵo. ➞ flanĝo.
randumo ĉirkaŭa surfaco de objekto, rigardata laŭ ĝia plej mallarĝa dimensio: strekita randumo de monero strekita randumo de medalo randumo de tabulo randumo de rado reliefa randumo de pneŭmatiko eluzita randumo de pneŭmatiko ➞ kento.
akr1aranda havanta akran randon: akraranda malsupra parto de rompita glaso Z akraranda glavo
boatrando ĉiu el la flankaj randoj de boato, kie en remboato estas fiksitaj la remiloj.
dekstrarandigi TIPO dekstrigi.
draprandaĵo randaĵo el drapo: draprandaĵoj ĉirkaŭ la pordo gardis kontraŭ ĉia trablovo Z
ĝisrande ĝis la rando: du ĝisrande plenaj tasoj da sambuka teo Z ŝipoj ĝisrande ŝarĝitaj MD
integraranda integra 3.
klinrando TEKN bevelo.
kreneloranda BOTA krenela 2.
larĝranda havanta larĝan randon: larĝranda ĉapelo
ŝiprando MARN gardilo kontraŭ la ondoj, fiksita ĉirkaŭ ferdeko ĉe la supro de la korpo de ŝipo: la vento forblovis ŝin trans la ŝiprandon Z Sin. pavezo.
tranĉorando, tranĉrandola maldikigita kaj akrigita rando de tranĉinstrumento: la tranĉrandoj de la plugilferoj kaj de la fosiloj kaj de la tridentoj kaj de la hakiloj kaj de la pikstangoj malakriĝis MT la sunaj radioj flame rebrilis de la ŝtala tranĉrando B Sin. akraĵo 1. ➞ eĝo.
trotuarrandaĵo rando de trotuaro apud ŝoseo, markita per specialaj pavimeroj. ➞ bordero.
vojrando spaco inter ŝoseo kaj fosaĵo. Sin. vojflanko.
vundorando konturo de vundo laŭ la linio de la disŝirita haŭto.