PIV 2026 · Artikolo 16443
★vasta
Derivaĵoj en la artikolo 20
★ vasta
1 tia, ke ĝi kovras grandan spacon aŭ havas grandajn dimensiojn en ĉiu direkto: vastaj kaj herboriĉaj kampoj FE vasta ĝardeno vasta arbaro vasta panoramo prezentiĝis al ili Z la vidanto staris kiel blindulo meze de la vasta mondo Z
(figurasence) la parto plej vasta venos la lasta indas atendi ĝis la fino Z kiu kaptas tro vaste, konservas malmulte Z
2 tia, ke ĝi intence ne strikte kovras la korpon: enkovritaj per tre vastaj manteloj Z vasta pantalono vasta jupo laĉu min pli vaste, mi petas ➞ larĝa 3, loza.
3 (figurasence) tia, ke ĝi tuŝas al multaj objektoj aŭ havas grandan amplekson: vasta klereco Z vasta senco de la vorto Z la termino «esperantisto» estas pli vasta termino ol oni supozas HTo/PGu la urbo lanĉis vastan programon por renovigi siajn infrastrukturojn MD mi ankoraŭ parolos pri ĝi la punkto pli vaste Z
4 LINGparolsono prononcata kun relative granda malfermaĵo inter la lango kaj la palato, ekz. la vokalo a.
vastaĵo io vasta: la vastaĵoj de la dezerto lin altiris
vasteco eco de io vasta: la vasteco de liaj scioj estas mirinda
vastigi
1 igi ion vasta: iom vastigu la bluzon ho, se Vi min benus kaj vastigus miajn limojn MT
3 MATE pri funkcio trovi alian funkcion, kiu konservas la valorojn de la unua funkcio sed havas pli grandan argumentaron: oni ne povas vastigi la logaritmon al funkcio holomorfa en la tuta ebeno
vastigo
1 ago vastigi.
2 MATE operacio vastigi funkcion.
vastigaĵo MATE funkcio, kiu rezultas de vastigo: la rimana ζ-funkcio estas meromorfa vastigaĵo de la serio Σ n−s
vastiĝi iĝi vasta: la krizo iom post iom vastiĝis al la tuta kontinento
disvastigi
1 dise etendi ion: ĝi estas cigno, kiu disvastigas la flugilojn Z
2 dise eligi ion: kian brilon ĝi la suno disvastigis! Z ĝi la forno disvastigas senfine agrablan varmon Z la brilo, kiun ĉirkaŭ si disvastigis Kala Z ➞ elradii.
3 (figurasence) diskonigi vaste: malica homo disvastigas malpacon MT malnoblaj homoj disvastigas la famon, ke la faraono estas freneza B la plej multe disvastigita lingvo en Ĉinujo estas la mandarena tre disvastigita opinio
disvastigo, disvastigado ago de iu, kiu disvastigas: energie laboradi por la disvastigado de Esperanto Z disvastigado de falsaj novaĵoj aŭ de misfamigoj MD
disvastiĝi
1 fariĝi vaste disigita: liaj brutaroj disvastiĝis sur la tero MT
2 fariĝi vaste diskonata: la nova religio, kiu jam disvastiĝis en ĉiuj pli sudaj landoj Z lia influo tre disvastiĝis ili disvastiĝos viruse en Interreto MD
disvastiĝo ago disvastiĝi, aŭ ties rezulto.
geografia disvastiĝo EKOL disvastiĝo de vivulo aŭ biocenozo en la mondo aŭ mondoparto. ➞ biogeografio.
spactempa disvastiĝo EKOL variado de la geografia disvastiĝo de vivulo en la tempo.
malvasta
1 tia, ke ĝi kovras malgrandan spacon aŭ havas malgrandajn dimensiojn en ĉiu direkto: malvasta kesto malvasta ĝardeno malvasta placo la vojo estis tiel malvasta, ke ili devis rampi sur la manoj kaj piedoj Z malvasta mallarĝa strato Z malvaste loĝigita familio
2 tia, ke ĝi intence strikte fermas la korpon: malvasta bluzo malvasta pantalono (proprasence aŭ figurasence) butonumi iun malvaste severe trakti Z ➞ strikta.
3 (figurasence) tia, ke ĝi tuŝas malmultajn objektojn aŭ havas malgrandan amplekson: lia propra verkaro estas malvasta, simpla, senpretenda EPr nia afero ne estas malvaste partia Z
4 (figurasence) intima: ni vivos en malvasta komuneco Z inter la unuaj demandoj kaj la lasta ekzistas la sekvanta malvasta ligiteco: Z
5 LINGparolsono prononcata kun relative malgranda malfermaĵo inter la lango kaj la palato, ekz. la vokaloj i kaj u.
malvasteco eco de io malvasta: la malvasteco de kelkaj parizaj loĝejoj estas terura (figurasence) la malvasteco de liaj monrimedoj ne ebligas al li vojaĝi
malvastigi
1 fari malvasta: se vi aĉetos novan ŝrankon, vi ankoraŭ pli malvastigos la liberan spacon malvastigi la kampon de siaj esploroj (figurasence) tiom neniu estas malvastigata en siaj rajtoj Z
2 MATE pri funkcio trovi alian funkcion, kiu havas pli malgrandan argumentaron, kie ĝi konservas la valorojn de la unua funkcio.
malvastigo
1 ago malvastigi.
2 MATE operacio malvastigi funkcion.
malvastigaĵo MATE funkcio, kiu rezultas de malvastigo. ➞ restrikto.
mezvasta LINGparolsono prononcata kun mezgranda malfermaĵo inter la lango kaj la palato, ekz. la vokaloj e kaj o.
plivastigi igi ion pli vasta: la hebreoj ne havis la rajton plivastigi sian kvartalon Z ni plivastigas nian scion pri la mondo SEn