PIV 2026 · Artikolo 4001
★erari
Derivaĵoj en la artikolo 19
★ erari ntr
1 deflankiĝi de la vero, de la ĝusta opinio, kalkulo k.s.: Dio ĝuste faras, neniam eraras Z kiu demandas, tiu ne eraras Z nur tiu ne eraras, kiu neniam ion faras Z pli bone ne fari, ol erari Z neniam ĝi la Akademio eraras, kiam ĝi nenion faras RSc erari en kalkulo erari en la gramatiko drinkuloj eraras en la vidado MT mi eraris pri mi mem Z ➞ malpravi, trompiĝi.
2 deflankiĝi de la morala devo: erarinta filo Z ➞ peki.
3 (arĥaismo) vojerari: erari en arbaro eraras for la penso mia Al mia domo familia Z ne eraru sur ŝia fremd-edzina irejo MT petola rideto eraris sur liaj lipoj B ➞ erarvagi.
erara enhavanta eraro(j)n: tia opinio estas tute erara Z via frazo estos ne tute bonstila, sed ne rekte erara Z erara teksto erara tono Z erara rezono erara subtraho erara metodo
eraro
1 malĝusta opinio, konduto aŭ faro: pagas maljunaj jaroj por junaj eraroj Z nin instruas eraro, kiun faras najbaro Z ĉiu eraro estas kulpo Z hontu persisti en eraro Z pro eraro ne praviĝas la faro Z peko kaj eraro estas ecoj de l’ homaro Z peki per eraro MT mi ne farus la eraron, se li antaŭe dirus al mi la veron FE ➞ maltrafo, malsaĝaĵo.
2 malĝustaĵo en la kalkulado, parolado aŭ skribado: en versoj ni devas nomi «eraro» nur deflankiĝojn de la gramatiko Z tiam vi faros rekte eraron Z kruda eraro pardonebla eraro en la adicion enŝteliĝis eraro eraro de konstruo kalkuleraro, kiu malbonigas la funkciadon de aparato aŭ maŝino rebonigi eraron Z ➞ malĝusta, mis-.
rultempa eraro KOMP eraro, kiun la programa tradukilo ne povas malkovri.
erareco eco de io erara: la erareco en la nacia traduko de tiu aŭ alia vorto FA
erarema povanta erari: homo estas erarema
erarigi fari, ke iu eraru: ili erarigis Egiptujon MT malbenita estu, kiu erarigas blindulon pri la vojo MT via babilado erarigis min en la kalkulo
dateraro
1 surskribo de erara dato.
forerari foriĝi konsekvence de eraro: ĉiu iras sian vojon, ne foreraras de sia vojo MT
juĝeraro juĝdecido, kiun poste malkovritaj faktoj pruvas erara.
komposteraro eraro en la formo de vorto, farita de la kompostisto: nia kolego ruze elektis proverbojn tute sen ĉapelitaj literoj — do evitigis komposterarojn OE oni ne sufiĉe zorgeme kontrolis la tekstojn, en kiuj troviĝas foje ĝenaj komposteraroj SMa
langeraro nekonscia intermikso de silaboj, ne ŝuldita al nesciado.
neerarema malofte eraranta. ➞ neeraripova.
plumeraro nevola eraro en la ortografio aŭ akordo de la vortoj.
preseraro en presita teksto eraro estigita ĉe la presejo, ekzemple forlaso de spaceto aŭ anstataŭigo de litero: mi permesis al mi nur korekti la preserarojn FA «Porke» estas preseraro por «Por ke» PeS
rondigeraro MATE KOMP diferenco inter preciza nombro kaj la sama nombro rondigita.
senerara ne entenanta aŭ ne farinta eraro(j)n: senerara presaĵo senerara frazo senerara dirmaniero eble ĉiu alia sur Via loko ankaŭ ne estus senerara Z ➞ neeraripova.
senseraro impreso ne responda al la realaĵo, sed nekonscie kaŭzita de la strukturo mem de niaj sensoj. ➞ halucino, iluzio, miraĝo.
tajperaro eraro, kiu ekestis dum tajpado: pluraj tajperaroj faras diversajn lokojn malfacile kompreneblaj DBr Sin. mistajpo.
vojerari perdi la ĝustan vojon aŭ deflankiĝi de ĝi: foje en la arbara denso li renkontis vojerarintajn Artemis-pastrinojn, al ili montris la direkton ĝustan KKa