PIV 2026 · Artikolo 5654

halucino

Litero H

Derivaĵoj en la artikolo 7
  1. halucina
  2. halucini
  3. halucinig/a
  4. halucinig/i
  5. haluciniĝ/a
  6. haluciniĝ/i
  7. halucinul/o
halucino
1 MEDI PSIK erara percepto de sensaĵo, dum ekzistas nenia ekstera objekto kapabla ĝin produkti: mi estis cetere sane pensanta knabo kaj la revoj neniam riveliĝis en la formo de halucino aŭ vizioj FSz simptomoj de psikozoj, kiel deluzioj, halucinoj, pensperturboj HEi ili estas frenezaj, ĉar ilin regas halucinoj CPi aŭda halucino vida halucino kolektiva halucino ĉe homamaso ➞ halucinozo, vizio 1.
2 KOMP artefarita intelekto erara respondo al peto de uzanto, kiu ŝajnas ĝusta, sed ne estas bazita sur realaj informoj.
halucina
1 rilata al halucino: halucina deliro halucina teruro eble la aviadisto havas halucinan vizion pri si mem kiel infano LCa li eble halucine vidis ponton neekzistantan kaj volante kuri sur ĝi, ekfalis CPi
2 = (prefere) haluciniga.
halucini
1 ntr percepti halucinojn: nokte mi halucinis: la ŝakaj figuroj plendis al mi VEr en profunda hipnodormo povas persono halucini pro sugestataj scenoj kun malfermitaj okuloj Ko
2 ntr KOMP artefarita intelekto respondi al peto per halucino 2: ChatGPT halucinis kaj donis al mi malĝustajn informojn
3 = (prefere) halucinigi: tiaj krioj jam unu aŭ du fojojn halucinis min OE
4 (figurasence) fantazii: ili halucinas, ke la angla juste kaj ĝuste solvas ĉiujn internaciajn lingvajn problemojn CPi
haluciniga
1 filmo, artaĵo, situacio k.s. kapabla igi iun halucini 1. Sin. halucina 2.
2 MEDI drogo aŭ alia substanco halucinogena.
halucinigi igi iun halucini 1.
haluciniĝa halucina.
haluciniĝi
1 komenci halucini 1: ĵus min preskaŭ trafis sunfrapo. Mi eĉ kvazaŭ haluciniĝis SPo
2 = (prefere) halucini 1: ŝajnis al li, ke la fajro estas multkolora . Subite li opiniis, ke li haluciniĝas aŭ sonĝas JMo mi volas pinĉi min por certigi, ke mi ne dormas aŭ ne haluciniĝas Ko
halucinulo iu, kiu halucinas: dum la malfeliĉa halucinulo parolis, li metis siajn ambaŭ manojn sur siajn okulojn, kvazaŭ li volus forigi for de li terurantan vidataĵon HVa