PIV · 4307
fantazi¹o
fantazi1o
1 Krea imago: ĝi flamigis vian infanan fantazion Z; la fantazio dependas nur de la nedaŭra k hazarda asociado k disociado de ideoj.
2 Kaprica sendirekta k senregula vagado de la imago: verko plena de fantazio; lasi liberan kuron al sia fantazio; ĉu tiu dolĉa ora tempo estas frukto de fantazio, neniam efektivigebla? Z.
3 Bildo ekzistanta nur en la imago, ne en la realo: iu iras, jen en la fino de la strato! – Kie iras? Vi ĉiam havas iajn fantaziojn! Z; oni parolis pri tio, kiel pri ia dolĉa fantazio Z; ideoj, kiuj ŝajnas senenhava fantazio Z. ☞ fantasto, ĥimero, iluzio, mito, revo, utopio.
4 𝅘𝅥𝅰 Liberforma komponaĵo, kiu povas esti ankaŭ kunmeto de operaj temoj por piano aŭ malgranda orkestro.
fantazia
1 Imagoplena.
2 Kaprica, sendirekta, senregula: ŝi plektis fantaziajn kronojn el floroj Z; fantazia vesto.
3 Nereala, senbaza, nur imagita: fantazia rakonto; tio estas ne ia fantazia revo, sed apero tute natura Z.
fantazii (tr)
2 Fantazie verki, fari: amuza sceno fantaziita de Aristofano.
3 𝅘𝅥𝅰 (ark.) Improvizi: fantazii sur tamburo Z.
fantaziaĵo. Fantazio 3.