PIV 2026 · Artikolo 13418
★revi
Derivaĵoj en la artikolo 14
★ revi
1 pri aŭ tr imagi ion, kion oni forte deziras: revi pri bela edzo B mi ĉiam revis pri tio Z tiel revis la malriĉa virino Z kiu aŭskultas, kie li ne devas, tiu aŭdas, kion li ne revas Z revantaj okuloj Z li revis pli brilantan sorton por sia solinfano Z revi dolĉajn ariojn, ludi ilin kvazaŭ el via kapo HLu gejunuloj revas dolĉajn revojn pri vivo kaj feliĉo SEn
2 kun infinitivo imagi, ke oni akiris staton, kiun oni forte deziras: bona kaporalo revas esti generalo Z mi revis iam fariĝi granda rusa poeto Z
revo imagaĵo aŭ psika bildo, kiun oni faras al si pri ia dezirataĵo: mia revo eble estas utopia Z ĝis la bela revo pri neŭtrala ĉiuhoma lingvo efektiviĝos Z konfidatino de viaj junecaj revoj Z kompatinda viktimo de revoj kaj iluzioj! Z agrabla sed neplenumebla revo Z tio apartenas ankoraŭ al la regno de revoj Z li sidis dronanta en revoj B el ŝiaj revoj elŝiris ŝin granda bruo Z ĉiuj revoj malaperis Z ĉu la tuta revo krevis? CPi realigi nian revon WSc
revado daŭra absorbiĝo en revoj: revado pri lukso Z Marta demandis sin mem, ĉu ŝi ne estas tro postulema en sia revado Z
revaĵo io imagata aŭ esperata en revo:bela revaĵo kaj tamen pli reala ol ĉio alia SEn grava, aktuala problemo, ne revaĵo de esperantistoj IBo ➞ fantaziaĵo.
revema inklina al revado: revema juna poeto li reveme balancis la kapon Z
reviga instiganta al revo: verdaj revigaj valoj Z
revulo homo, kiu amas revi, prefere ol agi: la revuloj estas tiuj, kiuj imagas la daŭron de suverenaj ŝtatoj ebla EPr la frenezaj revuloj kiuj penis konstrui perfektan lingvon SPa
disreviĝo elreviĝo: mi antaŭsavu vin de novaj trompiĝoj kaj disreviĝoj Z la plej grandaj disreviĝoj imageblaj ne kapablus elpuŝi tian ideon el lia kapo FDi
elrevigi senrevigi.
elreviĝi eliri el siaj revoj: rilate al la famo pri mia belo, certe vi jam elreviĝis FDi mi dum certa tempo tre simpatiis al Ido 2 Sed mi baldaŭ elreviĝis SJo
elreviĝo amara sento, ke oni eraris, fidante plenumiĝon de revo: lia nesukceso ĉe la ekzameno estis kruela elreviĝo kelkfoje tiujn sinoferulojn kaptas elreviĝo kaj frustriĝo pro neagemo de la aliaj GbK Sin. disreviĝo. ➞ seniluziiĝo.
forrevi tr pasigi tempon en revado: la almozulo refreŝigas sin per sukplena akvomelono kaj forrevas sian vivon Z
senrevigi depreni de iu ties iluziojn: tiu severa kritiko senrevigis la novicinon li estis tiel senrevigita, ke li perdis la prudenton CPi Sin. elrevigi.
senreviĝo elreviĝo.