PIV Reta Vortaro

PIV · 6429

iluzi¹o

1 Eraro de sensoj, pro kiu ni perceptas perceptaĵojn, identigante ilin aliaj, ol ili estas: vidaj, aŭdaj iluzioj; teatra iluzio; li havis la iluzion vidi sian mortintan patrinon; ĉu mi aŭdis kanteton, aŭ ĉu estis iluzio?. halucino, miraĝo.

2 Eraro de la menso, pro kiu ni rigardas revojn kiel efektivaĵojn: kompatinda viktimo de revoj k iluzioj ; la iluzioj ne povis teniĝi longe ; longe fari al si iluziojn M. ne povis ; perdi siajn iluziojn; en la momento de la morto mem forflugas la iluzio . fantazio, fikcio, ĥimero, sonĝo, utopio. sablo.

iluzia. Estanta nur iluzio, kaŭzanta falsan ĝojon: iluzia promeso, projekto, espero.

iluzii () Kaŭzi iluzion: ne iluziu vin per tro granda espero . mistifiki.

iluziiĝi. Sin iluzii.

iluziisto. Amuzisto, kiu lerte trompas la rigardantojn per falsaj ŝajnoj k rapide faritaj ĵonglaĵoj. ĵonglisto, prestidigitisto.

seniluziigi. Eltiri el iluzio. elrevigi, disrevigi. disblovi.

seniluziiĝo. Perdo de ia iluzio: por ke vi ne spertu novan seniluziiĝon . elreviĝo.