PIV 2026 · Artikolo 12357

★plata

Litero P★ Fundamenta

Derivaĵoj en la artikolo 28
  1. plato
  2. plat/
  3. plataĵ/o
  4. platec/o
  5. platet/o
  6. platig/i
  7. platum/o
  8. aglomerplato
  9. agord/oplato
  10. ciferplato
  11. fajr/oplato
  12. ferm/oplato
  13. fingr/oplato
  14. foliplato
  15. hejtoplato
  16. kirasplato
  17. kuirplato
  18. licenc/oplato
  19. lign/erplato
  20. manplato
  21. nomplato
  22. numerplato
  23. piedplatig/i
  24. prem1platig/i
  25. staciplato
  26. strekplato
  27. ŝtonplato
  28. turn/oplato
★ plata
1 prezentanta malgrandan dikecon kompare kun la du aliaj dimensioj: plata poŝhorloĝo plata ŝtono B plata libro G
2 prezentanta malmultajn aŭ neniomajn reliefaĵojn: la lando mem fariĝis ĉiam pli plata Z grundo plata kiel telero Z monteto, sur kiu li aranĝis al si benkon, por tie sidi kaj rigardi la platan ondiĝantan grenkampon Z virino kun plata brusto la plate kovritaj kapoj Z (figurasence) plata esprimo plata prozaĵo ➞ ebena, glata 1; bareliefo.
plato ĉio ajn, kio estas plata, pli speciale:
1 objekto malpli dika ol larĝa kaj longa: tabloj kun brilantaj marmoraj platoj Z frapi per la plato de la glavo plato el vitro fundamenta plato de maŝino KONS plato el sonsorbanta materialo KUIR ĉokolada plato ➞ briketo, tabuleto ➞ ŝtonplato.
2 ebena rigida maldika peco el metalo:kupra plato kun indiko de la nomo kaj profesio platoj de akumulatoro la gravuristo strekas la platon per la grifelo ➞ numerplato.
3 ilustraĵo aŭ aro de ilustraĵoj, okupanta la tuton aŭ la plej grandan parton de paĝo de libro, revuo k.s. ➞ folio, lameno.
4 ELEK metala parto de kondensilo.
5 MEDI lezo de la tegumentoj, konsistanta el pli-malpli malmola plata aĵo: mukoza plato ĉe sifilisuloj
6 ANAT ZOOL BOTA nomo de diversaj plataj elementoj i.a. ĉelaj, organaj, embriaj.
7 GEOL supra kaj rigida, platforma parto de la tero, kiu laŭdike ampleksas la tutan litosferon kaj povas horizontale moviĝi sur la astenosfero. ➞ platotektonismo.
plat prefikso ➞ platboato, platfiŝo, platpano, platŝtono,platvermo.
plataĵo
1 GEOG alta ebenaĵo.
2 TEKN tiu plata parto de maŝino, aparato aŭ veturilo, sur kiu oni adaptas aliajn partojn. ➞ ĉasio.
3 TEKN ebenigita parto de cilindra aŭ ronda objekto.
4 plata parto de vojo, inter deklivoj.
5 ĉiu el la du plataj kovriloj de bindita libro.
plateco eco de io plata.
plateto malgranda plato, ordinare metala.
platigi fari ion plata: platigi sian nazon sur la fenestra vitro B platigi inter la manoj bulon da argilo
platumo AVIA transiro inter alteriĝa gliso kaj alteriĝa ŝvebo, antaŭ ol ektuŝi la teron.
aglomerplato plato el ligneroj kungluitaj sub forta premo. ➞ aglomerpanelo.
agordoplato TELE plato kun butonoj por agordi radioricevilon aŭ televidilon.
ciferplato ekstera plato de horloĝo, sur kiu troviĝas la ciferoj montrantaj la horojn. ➞ numerplato.
fajroplato metala plato, ofte kun ornamoj, kiu garnas la fundon de malnovaj fajrujoj.
fermoplato TEKN movebla plato, kiun oni metas aŭ mallevas sur la aperturon de vazo, kesto k.s., por ĝin fermi: baldaŭ oni alnajlos super li la fermoplaton Z Sin. kovrilo 1 a.
fingroplato plato almetita ĉe rando de pordo, por ke manoj ĝin ne makulu.
foliplato limbo ① 1.
hejtoplato KUIR metala plato kun elektraj rezistiloj, uzata por varmigi pladojn aŭ teni ilin varmaj. ➞ kuirplato, pladvarmigilo.
kirasplato ARME metala plato por kirasi tankon, ŝipon k.s.
kuirplato plato (aparta aŭ parto de fornelo), kiu varmiĝas per elektro, kaj sur kiun oni metas kuirpoton aŭ paton.
licencoplatoVETU numerplato.
lignerplato = (prefere) aglomerplato.
manplato konkava surfaco de la mano, etendiĝanta de la manartiko al la bazo de la fingroj: glatigi al si la harojn per la manplato Z nu, vi ĉion vidas, kiel sur la manplato Z la virino apogis la kapon sur la manplato Z listeloj, havantaj la larĝon de unu manplato MT ➞ polmo; mandorso.
nomplato plato fiksita al io por indiki la nomon de la posedanto, loĝanto, fabrikanto k.s. aŭ (ekz. ĉe strato) la nomon de la afero mem: strata nomplato CPi la nomo de la donacinto estos gravurita sur nomplato, kiu estos fiksita sur ŝranko en Biblioteko Hodler OBu
numerplato VETU ĉe la antaŭo kaj malantaŭo de motorveturilo ŝildeto montranta identigan numeron (ofte literciferan): nur tiam mi havis la ideon noti la numeron de lia aŭta numerplato CPi Sin. licencoplato.
piedplatigi fari ion plata surtretante ĝin: la stranga vizitanto pafis la nur duone fumitan cigaredon teren kaj piedplatigis ĝin PeS
prem1platigi fari ion plata per premado: li derompis la rozon, premplatigis ĝin en libro Z
staciplato TELE plato de radioricevilo, montranta la riceveblajn staciojn.
strekplato GEOL plato, kutime el porcelano, kontraŭ kiu geologo tiras mineralon por estigi strekon.
ŝtonplato plato el ŝtono. ➞ kahelo, pavimero, slabo.
turnoplato
1 FERV metala konstrukciaĵo portanta relparon, turnebla ĉirkaŭ sia vertikala akso, uzata por turni trakveturilojn.
2 ronda rotacia plato, sur kiun oni metas gramofonan diskon por ĝin ludi.