PIV 2026 · Artikolo 11660
panelo
Derivaĵoj en la artikolo 5
panelo
1 ARKI ĉiu el la tabuloj, ordinare modlure kadritaj, kiuj kovras tute aŭ parte la murojn de ĉambro, anstataŭ tapeto.
2 ARKI plata kadrita surfaco de muro, plafono, pordo, meblo k.s., ofte ornamita per pentraĵoj aŭ reliefoj.
3 KONS antaŭfabrikita vando.
4 VETU longa plato troviĝanta antaŭ la stiranto de aŭtomobilo, sub la ventoŝirmilo, kaj entenanta diversajn instrumentojn, indikilojn kaj ekranojn.
5 plato analoga al panelo 4, ofte el ebonito, sur kiu troviĝas la diversaj reguliloj de radioricevilo, telefona konektotabulo aŭ similaj aparatoj.
6 longa iom larĝa peco de tolo, kadrita per lignaj stangetoj, sur kiu estas pentritaj reklamoj, sloganoj aŭ bildoj, kaj kiun oni fiksas antaŭ la publiko (sur fasado, aŭtomobilo k.s.)➞ reklampanelo.
aglomerpanelo (ĉe meblo) aglomerplato.
reklampanelo ligna panelo surhavanta reklamajn bildojn, sloganojn k.s.: la reklampaneloj laŭlonge de la ĉefvojoj
sunpanelo panelo ekipita per lumelektraj ĉeloj kaj provizanta energion: la sunpaneloj produktas ĉirkaŭ 100 vatojn JHa
ŝaltopanelo panelo, sur kiu troviĝas la diversaj ŝaltiloj de domo, maŝino k.a. Sin. ŝaltotabulo.