PIV 2026 · Artikolo 16314
Utopio
Derivaĵoj en la artikolo 7
Utopio fantazia lando en kiu ĉio estas perfekta por ĉies feliĉo (imagita en 1516 de la angla verkisto Thomas More en la samnoma verko).
utopio (figurasence) idealo, teorio aŭ projekto, kies realigo ankoraŭ ne estas konstatebla: al li estos proponata ia neefektivigebla utopio Z
(malŝate: nerealigebla) aferoj, kiujn oni juĝis utopioj, nun fariĝis realaĵoj EPr ĉu efektive ni laboras por ia utopio Z
➞ distopio.utopia dezirata kaj imagata: la utopia socialismo kontraste kun la «reala» (malŝate) tio estas nur utopia sistemo nerealigebla
utopiisto iu, kiu havas ideojn aŭ faras projektojn, kiujn la reganta ideologio juĝas neefektivigeblaj: mi riskas, ke mi aperos antaŭ Vi nur kiel utopiisto Z Sin. utopiulo.
utopiulo utopiisto.
antiutopio (evitinde) = malutopio.
malutopia
1 POLI rilata al malutopio 1: korupta malutopia registaro
2 BELE rilata al malutopio 2: la malutopiaj verkoj de Jevgenij Zamjatin, Aldous Huxley kaj George Orwell Ko
malutopio
1 POLI socio aŭ politika sistemo, en kiu la loĝantoj estas malfeliĉaj kaj timantaj, ĉar ili ne estas bone traktitaj: la romano priskribas malutopion, koŝmaran mondon, en kiu la ŝtato konstante spionas la mizeran loĝantaron EGE
2 BELE verko, kiu priskribas estontan imagitan malutopian socion: «1984» estas malutopio de George Orwell
Sin. distopio.