PIV 2026 · Artikolo 12664
★prava
Derivaĵoj en la artikolo 13
★ prava
1 havanta opinion konforman al la vero: neniam regu la principo: «kiu pli laŭte krias, tiu estas prava» Z la unua estas prava en sia proceso ĝis parolos la alia partio MT vi estos gramatike tute prava Z
prave konforme al vero kaj justo: prave li ricevas punon Z prave punite laŭmerite Z
pravi ntr esti prava: kiu jam havas, tiu pravas Z
pravo io, kio faras iun aŭ ion prava: ju pli da havo, des pli da pravo Z la utileco de tiu malbela konstruo estas ĝia pravo de ekzisto
praveco eco de iu aŭ io prava: kolero pravecon ne donas Z nek la antikveco, nek la disvastiĝo de iu ajn opinio pruvas ĝian pravecon B li konsciis sian senkulpecon, kaj ne povis ja elmontri sian pravecon Z larmoj pravecon ne pruvas Z
pravigi
1 deklari aŭ montri iun prava: kiu tro sin pravigas, tiu mem sin kulpigas Z nesciado de leĝo neniun pravigas Z pravigi sin antaŭ iu Z tio ne pravigas nin enkonduki malregulan konjugadon Z
2 elmontri aŭ pruvi ion prava: Via celo ne povas pravigi la rimedojn, kiujn Vi uzas Z pretekstoj, por pravigi niajn sentojn Z erara kutimo, kiun nenio pravigas Z projektoj proponitaj sub la laŭta, per nenio pravigita nomo de «lingvo tutmonda» Z
pravigo deklaro, ke iu aŭ io estas prava: mi nenion povas diri por mia pravigo al Usono li riproĉis, sen internacijura pravigo militi kontraŭ aliajn ŝtatojn SMa
praviĝi iu aŭ io iĝi prava: per eraro ne praviĝas la faro Z
praviĝo ago praviĝi: kion vi povas diri por via praviĝo? Z
pravulo iu, kiu pravas: la Eternulo estas la pravulo, mi kaj mia popolo estas la malpravuloj MT Vi, Pravulo, ebenigas la vojon de justulo MT
malprava
1 havanta opinion kontraŭan al vero kaj justo: la forestanto ĉiam estas malprava Z
malpravi esti malprava: kiu forton ne havas, ĉiam malpravas Z
malpravulo iu, kiu malpravas: mi estas tute furioza, ke mi staras kiel malpravulo, dum mi estas prava Z oni deklaru prava la pravulon, kaj la malpravulon oni kondamnu MT
senprave sen ia prava motivo: unu el la amikoj eĉ skribis ne senprave, ke Z