PIV 2026 · Artikolo 5605
★ĝusta
Derivaĵoj en la artikolo 15
★ ĝusta
1 precize konforma al regulo, leĝo aŭ destiniteco: ĝusta metodo ĝusta procedo ĝusta esprimo ĝusta frazo ĝusta vorto ĝusta traduko kiu estas verama, tiu eldiras tion, kio estas ĝusta MT la vojo de malsaĝulo estas ĝusta en liaj okuloj MT li ne tremis kiel pekulo, li sciis, ke li estis ĝusta kredanto Z mia koro estu ĝusta, laŭ Viaj leĝoj MT li havas la kapon sur la ĝusta loko Z oni devas ilin numeri, por ke ili povu poste ricevi denove sian ĝustan lokon Z la esenco de nia lingvo estas ĝusta Z ➞ justa, ekzakta, prava.
2 precize konforma al la cirkonstancoj aŭ al la intencata celo: multe da fianĉoj, sed la ĝusta ne venas Z ĝusta respondo ĝusta pafo li estas la ĝusta homo por tio vort’ en ĝusta momento faras pli ol arĝento Z sprit’ en tempo ne ĝusta estas tre malbongusta Z li al ili montris la direkton ĝustan KKa kiam venis la ĝusta tago Z ➞ adekvata, deca, taŭga, trafa.
3 tia, ke ĝi liveras informojn verajn: ĉu la horloĝo estas ĝusta? ĝusta pesilo kaj ĝustaj pesiltasoj MT pezilon plenan kaj ĝustan vi devas havi MT ĝusta sumo de adicio ĝusta produto de multipliko vivi laŭ postuloj de la ĝustaj kalkuloj Z
ĝuste
1 en maniero ĝusta: por diri pli ĝuste Z tre ĝuste esprimo de konsento Z Dio ĝuste faras, neniam eraras Z por ĝuste vidi kaj juste juĝi Z ĝuste funkcii ĝuste kalkuli tri partoj ĝuste egalaj KKa
2 tute precize; sen ia dubo; ne proksimume: ĝuste antaŭ du monatoj li mortis diris ia voĉo ĝuste apud ŝi Z ĝuste antaŭ miaj okuloj Z la cikatro Ĉi tie, ĝuste super lia brovo Z oni ĝin starigis ĝuste ĉe malfermita fenestro Z li mokadis nin ĝuste en la vizaĝon Z li estas ĝuste la sama viro, kiun mi renkontis ĝuste pro tio mi ne volis respondi ➞ koincidi, senpere.
3 kun antaŭ ĵus 2: mi ricevis la libron ĝuste antaŭ mia forveturo Z via adiaŭo ĝuste antaŭ mia enŝipiĝo certe feliĉigos mian vojaĝon HLu li kuris malsupren sur la ŝtuparoj ĝuste antaŭ ol la domo falis MalR
ĝustaĵo io ĝusta: fari la ĝustaĵon en ĝusta tempo Z se vi volas fari favorkoraĵon kaj ĝustaĵon al mia sinjoro MT viaj lipoj parolos ĝustaĵon MT
ĝusteco eco de io, kio estas ĝusta: la ĝusteco de vorto la ĝusteco de traduko la ĝusteco de dirmaniero la ĝusteco de titolo ĝusteco de pafo ĝusteco de horloĝo ĝusteco de aritmetika kalkulo politika ĝusteco ekz. de politiko aŭ lingvaĵo, kiu celas ne ofendi aŭ malfavori
ĝustiga rilata al ĝustigo: ĝustiga meĥanismo de regulilo ĝustiga ŝraŭbo
ĝustigi
1 igi ion ĝusta: ĝustigi horloĝon ĝustigi la kravaton Z ĝustigi fotoaparaton ĝustigi komposteraron ĝustigi misuzitan vorton ➞ korekti; enfokusigi, munti.
ĝustigilo aparato por ĝustigi la movon aŭ funkcion de maŝino.
alĝustigi ĝuste konformigi ion al celo aŭ al alia objekto:ĉiu tabulo havis du pivotojn, alĝustigitajn unu al la alia MT alĝustigi la komputilajn sistemojn al la nova erao IsT alĝustigi la lagrokusenojn la registaro alĝustigos la prezon de aviado MuB TEKS alĝustigita vesto tajlita laŭ la formo de la korpo KOMP ekzistas diversaj opcioj por alĝustigi vian serĉon LWR ➞ alkonformigi.
alĝustigebla tia, ke oni povas ĝin alĝustigi: alĝustigebla ringo alĝustigebla tubo speciala peco alĝustigebla al la polvosuĉilo
malĝusta ne konforma al regulo, al sia destiniteco aŭ al ĝusteco ĝenerale: en la ekzemplon de kalkulado enŝteliĝis malĝusta nombro Z gast’ en tempo malĝusta Z malĝusta lingvistika metodo kiu iras malĝustan vojon, tiu subite falos MT la horloĝo iras malĝuste
malĝuste en malĝusta maniero.
malĝustaĵo io malĝusta: kulpi malĝustaĵon en adicio
malĝusteco eco de io malĝusta: la malĝusteco de tiu epiteto estas okulfrapa
malĝustigi igi ion malĝusta: malĝustigi seruron malĝustigi akson malĝustigi meĥanismon
reĝustigi igi ion denove ĝusta.
reĝustiĝi reveni al pli prudenta opinio, kredo aŭ ago.