PIV 2026 · Artikolo 8406

★konverti

Litero K★ Fundamenta

Derivaĵoj en la artikolo 7
  1. konverto
  2. konvertad/o
  3. konvertebl/a
  4. konvertiĝ/i
  5. konvertil/o
  6. kataliz/a konvertil/o
  7. biokonverti
★ konverti tr
1 BIBL pente returni iun de peko al pieco: por ke Vi konvertu ilian koron returne MT
2 alkonduki iun al alia religio ol tiu, je kiu li aŭ ŝi kredis: Floriso estis proklamata kiel reĝo kaj konvertis la tutan popolon al la kristanismo HBu laŭeble oni cedigu neislamanojn al la volo de Dio, alivorte konvertu ilin al islamo MMi nur Dio povas konverti la homojn ACh
3 (figurasence) alkonduki iun per persvado al nova partio aŭ nova opinio: se al la esperantismo konvertis vin nur tiu artikolo, vi ŝuldas vian konverton al la dirita persono Z mi estas jam tro maljuna por esti konvertita al tiu nova artkoncepto ➞ propagandi, varbi; prozelito.
4 FIZI KEMI ŝanĝi la formon aŭ econ de io materia: konverti grafiton en diamanton per grandega premo (en alĥemio) konverti plumbon en oron
5 EKON amortizi deprunton per la mono alportita de nova deprunto, aranĝita ordinare je malpli alta interezo.
6 EKON ŝanĝi deprunton en akciojn.
7 KOME MATE ŝanĝi monsumon, mezuron aŭ kvanton al la egala valoro en alia valuto aŭ mezurunuo: konverti dolarojn en pundojn konverti futojn en metrojn Sin. transkalkuli.
8 KOMP transformi dosieron de unu dosierformo al alia: mi havas grandan kvanton da malnovaj WP-dosieroj, kiujn mi ne sukcesis kontentige konverti al Word RRo
konverto, konvertado ag(ad)o konverti: la konvertado de la skotaj idolistoj konvertado de litova mono al eksterlanda valuto LSt
konvertebla tia, ke ĝi povas esti konvertita: konvertebla ŝtatprunto
konvertiĝi iĝi konvertita:
1 kiam mi konvertiĝis, mi pentis MT konvertiĝos la restintoj, de Jakob, al la Dio potenca MT li blindigis iliajn okulojn ke ili ne konvertiĝu NT
2 la anglikana pastro Newman konvertiĝis al la roma katolikismo kaj iĝis kardinalo
3 ĉiu, kiu diras, ke neŭtrala arta lingvo estas ne ebla, venu al ni, kaj li konvertiĝos Z ➞ apostati, renegati.
konvertilo rimedo por konverti.
kataliza konvertilo aparato, enkorpigita en la ellasa sistemo de veturilo kun benzina motoro, enhavanta katalizilon por konverti poluantajn gasojn al malpli malutilaj.
biokonverti TEKN transformi organikaĵon al unu aŭ pluraj aliaj per uzo de mikroorganismoj. ➞ bioteĥniko.