PIV 2026 · Artikolo 6981

★justa

Litero J★ Fundamenta

Derivaĵoj en la artikolo 10
  1. juste
  2. justi
  3. justo
  4. justaĵ/o
  5. justec/o
  6. justul/o
  7. maljusta
  8. maljustaĵ/o
  9. maljustec/o
  10. maljustul/o
★ justa
1 respektanta egale kaj senpartie la rajtojn de la aliaj homoj, kaj haviganta al ĉiu ties apartenaĵon: nia provincestro estas severa, sed justa FE la homoj estas justaj precipe al tiuj, kiujn ili amas kiom ajn justaj vi penos esti kontraŭ diversaj gentoj Z justa juĝisto
2 konforma al la interna juĝo de la konscienco: tio estas tute justa kaj tute laŭ la ordo Z viaj justaj postuloj Z ili juĝu la popolon per juĝo justa MT justa divido li ricevu justan punon por lia krueleco kontraŭ mi! Z certigi al la laboristoj justan salajron ➞ deca; meriti.
3 bazita sur la realo: vi havis justan kaŭzon por maltrankviliĝi Z ĉu tion vi opinias justa, ke vi diras ? MT ➞ ĝusta, prava.
4 KRIS virta.
juste en justa maniero:
1 oni scias agi kun ili juste Z juĝi juste
2 sed mi suferas juste Z vi havas juste tion, kion vi meritis Z
justi esti justa: multaj kredas, ke ne justas la aŭtimpostoj, kiuj financas la pligrandigon de la metroa reto NWo
justo tio, kio estas justa (rigardata en abstrakta kaj absoluta maniero): la devo de juĝisto estas diri la juston mi estos ilia Dio, en vero kaj justo MT
justaĵo justa ago aŭ faro: farado de justaĵo estas ĝojo por la virtulo MT
justeco
1 eco de tio, kio estas justa: viaj gepatroj konvinkiĝos nun pri la justeco de miaj plendoj Z justeco havas nenion komunan kun leĝo, kiu estas nur ĝia karikaturo pli bona estas malmulto, sed kun justeco MT
2 sento de la konscienco, per kiu oni redonas al ĉiu lian aŭ ŝian rajtaĵon: pardonemeco superas justecon Z justecon sekvu MT se vi, reĝo,
La voĉon de l’ justeco ne aŭskultos Z
3 plenumado de tio, kio estas justa: ni estas pretaj doni al vi justecon pri tio Z vi estus nun tute libera fari al vi justecon per bona porcio da bastonbatoj Z ho, dioj! Se vi amas la justecon, nun per mi la veron vi honoru! Z sed justeco fluu kiel akvo MT per justeco staras fortike la trono MT
4 justico: mi iras mem transdoni min al la manoj de la justeco Z kovri per arĝento ŝmirmono la okulon de la justeco Z aŭdu do vi, kion la justeco per mi sciigas al vi! Z
justulo
1 homo justa.
2 KRIS homo pia kaj virta: mi venis, por alvoki ne justulojn, sed pekulojn al pento NT
maljusta
1 ne haviganta al ĉiu lian aŭ ŝian rajtaĵon: kontraŭ neniu oni devas esti maljusta Z mi maljuste ŝin senigis
De la antikvaj decaj oferdonoj Z
2 ne konforma al la juĝo de la konscienco: maljusta profito MT sur la maljustaj vojoj de la tero Z maljusta puno maljusta milito maljustaj pretendoj
3 ne bazita sur la realo: maljustaj suspektoj maljustaj motivoj
maljustaĵo maljusta ago aŭ faro: li al iu malgraŭvole faris maljustaĵon Z la tero pleniĝis de maljustaĵoj MT
maljusteco eco de iu aŭ io maljusta: la maljusteco de partia tribunalo maljusteco de ne meritita puno (figurasence) maljusteco de la sorto
maljustulo homo maljusta.