PIV · 15830
★torn/i
★torn/i (tr)
1 Rondforme tajli pecon de solida materialo, fiksitan sur speciala turniĝanta stablo: torni globon el eburo, piedojn de seĝo.
2 Rondforme prilabori argilon, fiksitan sur speciala turniĝanta stablo, por fari poton, vazon, kruĉon ks.
3 (f) Diligente k artisme prilabori: torni siajn versojn; bele tornita frazo, knabino.
tornado. Ago de tiu, kiu tornas.
tornilo. Turniĝanta stablo, sur kiu oni fiksas la tornotan pecon aŭ mason.
tornisto. Laboristo, kies metio estas tornado: tornisto pri metalo.
eltorni. Produkti per torno.