PIV 2026 · Artikolo 14698
★stablo
Derivaĵoj en la artikolo 4
★ stablo
1 tablo por metia laboro: stablo de seruristo B stablo de tajloro B stabloj de teksistoj B la potisto laboras sur la stablo MT ĉiu metiisto havis sian stablon en la pordo aŭ sur la trotuaro Z (proprasence kaj figurasence) remeti la laboraĵon sur la stablon ➞ tornilo.
2 subportilo por tabuloj, ĉarpentaĵo k.s., konsistanta el trabeto portata de kvar piedoj aŭ de du artikitaj kadroj fikseblaj je difinita angulo: la bazaruloj elmontras siajn varojn sur stabloj kun malpeza kovraĵo la unuaj teatraĵoj estis ludataj sur stabloj kun demetebla planko stablo por segi lignon ofte la piedoj de stablo estas tenataj de rungoj
3 ĉiu paro de lignaj kolonoj interkrucitaj, sur kiuj baziĝas lignoponto.
4 movebla tripieda aŭ kvarpieda kunmetaĵo el trabetoj por subporti pentraĵon dum ties elfarado aŭ por ties elmontrado.
stableto malgranda stablo por subporti malgrandajn prilaboratajn pecojn.
ĉenstablo
1 aro de moviĝantaj stabloj kunigitaj kiel longa ĉeno, por prezenti prilaborataĵon sinsekve al la diversaj laboristoj komisiitaj fari ĉiu nur unu operacion, aŭ al diversaj aŭtomataj meĥanismoj. Sin. muntobendo. ➞ ĉenlabori.
2 KOMP vico de samtempe funkciantaj organoj, kiuj plenumas po unu parton de kompleksa operacio, transdonante la rezultojn laŭ la vico. ➞ paralelismo.
desegnostablo speciala tablo de teĥnika desegnisto.
tornostablo ronda turniĝanta subportilo por tornata peco: la urbestro mem min tornis, li posedas propran tornostablon Z