PIV 2026 · Artikolo 11733

★paralela

Litero P★ Fundamenta

Derivaĵoj en la artikolo 8
  1. paralele
  2. paralelo
  3. paralelo de latitud/o
  4. paralelaĵ/o
  5. paralelec/o
  6. paralelig/i
  7. paralelism/o
  8. kontraŭparalela
★ paralela
1 konstante egaldistanca de simila afero: paralelaj stratoj paralelaj reloj (figurasence) fari paralelan samcelan, sed malsamrimedan propagandon paralela merkato tolerata, sed ne oficiale permesata ➞ nigra
2 MATE kurbo aŭ surfaco tia, ke ĉiu punkto de ĝi havas saman distancon al alia kurbo aŭ surfaco: du rektoj paralelaj al tria estas ankaŭ paralelaj inter si
3 prezentanta daŭrigatan komparadon: la paralelaj vivrakontoj de Plutarĥo la tri paralelaj evangelioj ➞ sinoptika
4 analoga, simila, komparebla.
5 ELEK elektra cirkvito havanta diversajn komponantojn, kies enir- kaj elir-klemoj estas resp. kunligitaj inter si: en paralela cirkvito ĉiuj elementoj ricevas la saman tension
6 KOMP rilata al transsendo de datumoj, en kiu po pluraj bitoj estas sendataj samtempe laŭ lineo el pluraj dratoj: paralela interfaco paralela konekto ➞ seria.
paralele en paralela maniero; samtempe: proponi formon novan, kiun ĝi rekomendos uzadi paralele kun la formo malnova FA ĉiuj gepatroj alkutimigadus siajn infanojn al tiu ĉi lingvo en la infaneco, paralele kun la patra lingvo Z akcepti dume la lingvon Esperanto en ĝia nuna formo kaj paralele kun tio ĉi difini komitaton, kiu okupus sin je la perfektigo de tiu ĉi lingvo Z
paralelo
1 MATE paralela rekto aŭ kurbo: la aksiomo pri paraleloj ➞ paralelo de latitudo.
2 ARME fosaĵo, tranĉeo, paralela al la atakata pozicio.
paralelo de latitudo GEOG cirklo sur la tero paralela al la ekvatoro. ➞ meridiano 2.
paralelaĵo
1 io analoga, io simila, io komparebla: la konsterno en la pastraj rondoj ne havis paralelaĵon en la tuta historio de la idolkulto HLu
2 ELEK paralela ŝunto.
paraleleco eco de du paralelaj linioj k.c.
paraleligi meti kiel paralelaĵon; paralele kompari: parolante pri nia lingvo, ni ne devas sen bezono paraleligi ĝin kun Volapük, ĉar tia paraleligado diskreditigas nian aferon Z
paralelismo
1 LING BELE ritmofiguro, konsistanta en paralela aranĝo de du sinsekvaj frazoj aŭ versoj (ekz.: aŭskultu la instruon de via patro,
Kaj ne forĵetu la ordonon de via patrino MT
).
2 KOMP tuto de la metodoj celantaj pligrandigi la komputpovon de komputa sistemo per samtempa plenumado de operacioj. ➞ ĉenstablo, kunrulado.
kontraŭparalela paralela, sed kun kontraŭa direkto: BIOL la du fadenoj de unu molekulo de DNA estas kontraŭparalelaj