★seri/o

1 Aro da objektoj, aferoj, el kiuj ĉiu estas tiel same simila aŭ rilata al la antaŭa, kiel al la sekvanta: antaŭ ili staris granda serio da pafilegoj ^Z; la verkado de tia gramatiko postulus grandan serion da jaroj ^Z; eldoni grandan serion da libretoj E-aj ^Z; li sendis al mi serion da fotografaĵoj ^Z; mia tuta vivo prezentas nur unu konstantan k seninterrompan serion da diversaj bataloj ^Z; el tiuj vortoj ĉiu povas jam fari al si grandan serion da aliaj ^Z. ☞ ĉeno, vico, sinsekvo.

2 Ĉiu el la kolektoj de revuo, periodaĵo ks, aparte klasitaj pro ia ŝanĝo en la periodeco, formato, eldonejo k.a.: «Literatura Mondo», unua, dua k tria serioj.

3 ∆ Vico, kutime nefinia, de termoj a_j konsiderataj kune kun ties partaj sumoj s_n = a₀ + ⋯ + a_n: serio konverĝas, se la vico de ĝiaj partaj sumoj konverĝas. ➞ vico, konverĝi, diverĝi.

4 Ⓚ Aro de organikaj elementoj, kies molekuloj estas kombinitaj ĉirkaŭ unu sama radiko, aŭ kiuj havas komunajn ecojn: hidrokarbona, homologa serio.

5 ⛷ ♠ Difinita nombro de partioj, diversa laŭ la ludoj (ekz. 6 en teniso).

6 ⊕ Kronostratigrafia unuo, ampleksanta plurajn etaĝojn, responda al la geokronologia unuo epoko.