PIV 2026 · Artikolo 14074
★serio
Derivaĵoj en la artikolo 3
★ serio
1 aro de objektoj, aferoj, el kiuj ĉiu estas tiel same simila aŭ rilata al la antaŭa, kiel al la sekvanta: la historio de Londono estas serio de incendioj, ĉar Londono ne havis akvodukton SSz Sancho rakontis pri la serio de aventuroj al ili okazintaj FDi antaŭ nia militistaro staris granda serio da pafilegoj FE eldoni grandan serion da libretoj Esperantaj Z mia tuta vivo prezentas unu konstantan kaj seninterrompan serion da diversaj bataloj Z ➞ ĉeno, vico, sinsekvo.
2 ĉiu el la kolektoj de revuo, periodaĵo k.s., aparte klasitaj pro ia ŝanĝo en la periodeco, formato, eldonejo k.a.: kompleta serio de la gazeto La Ondo de Esperanto OE la unua serio de la adresaro estos eldonita en la fino de Julio Z la 52-an serion de Belartaj Konkursoj partoprenis 47 poemoj de 19 aŭtoroj el 14 landoj GbK
3 aro de kunapartenantaj elsendaĵoj (epizodoj) en televido aŭ radio 2 elsendataj unu post la alia ordinare je regulaj intervaloj: la televida serio Star Trek GMc la aventurojn kaj anekdotojn de Ĉe akvorando multaj ĉinkulturanoj konas nur el televidaj serioj JCa la serio estas dividita en 6 mallongajn epizodojn kaj spektebla en la reto Ko
4 MATE vico 4, kutime nefinia, de termoj aj konsiderataj kune kun ties partaj sumoj sn = a0 + ⋯ + an: serio konverĝas, se la vico de ĝiaj partaj sumoj konverĝas ➞ vico, konverĝi, diverĝi.
5 KEMI aro de organikaj elementoj, kies molekuloj estas kombinitaj ĉirkaŭ unu sama radiko, aŭ kiuj havas komunajn ecojn: hidrokarbona serio homologa serio
6 SPOR LUDO difinita nombro de partioj, diversa laŭ la ludoj (ekz. 6 en teniso).
7 GEOL kronostratigrafia unuo ampleksanta plurajn etaĝojn, responda al la geokronologia unuo epoko 3.
seria
1 prezentanta serion: seria kolekto seria fabrikado de elprovita prototipo serie konektitaj akumulatoroj
2 ELEK elektra cirkvito tia, ke la diversaj komponantoj estas kunligitaj unu post la alia: en seria cirkvito ĉiuj elementoj estas trairataj de la sama kurento
paroksisma serio MEDI serio de rapide sinsekvaj paroksismoj, inter kiuj la malsanulo ne retrovas sian normalan staton, ekz. en epilepsio aŭ astmo. Sin. paroksisma stato.