PIV 2026 · Artikolo 13990
★sekvi
Derivaĵoj en la artikolo 21
★ sekvi tr
1 iri aŭ veni post moviĝanta objekto aŭ persono: mi sekvis lin tra pordo en tiun ĉambron Z Sara sekvis lin laŭpaŝe Z la hundo sekvis la ŝteliston la ĉasisto sekvas sian hundon sekvu la paŝosignojn de piuloj MT letero sekvas
(figurasence) sekvi iun per la okuloj Z sekvi iun per sia rigardo Z sekvi iun per la pensoj HLu ĉiu sekvas legante kun intereso la malfacilan bataladon Z nur bono kaj favoro sekvos min en la daŭro de mia tuta vivo MT
➞ akompani, eskorti.2 iri laŭ io aŭ agi konforme al io, kio gvidas: sekvi vojon sekvi konsilon Z sekvi ekzemplon Z sekvi kutimon sekvi metodon sekvi principon Z sekvu Miajn leĝojn kaj observu Miajn decidojn MT sekvi la preskribojn de la kuracisto sekvi la modon
(figurasence) sekvi sian nazon agi laŭ instinkto sekvi sian malbonan inspiron Z
3 partianiĝi al iu; dividi ies opiniojn; trakti kiel mastron: la domon de David sekvis sole nur la tribo de Jehuda MT vi forlasis la ordonojn de la Eternulo kaj sekvis la Baalojn MT
(figurasence) ili sekvis vantaĵon kaj vantiĝis MT tiu malbona popolo, kiu sekvas aliajn diojn MT
4 okazi post io; esti lokita post io: post somero sekvas aŭtuno tago tagon sekvas, sed ne similas Z ŝiprompiĝoj sekvis unu la alian Z la pago sekvos kisoj sekvis post kisoj en senfina feliĉego Z speciale, pri reĝoj k.s. Filipo la 2a sekvis post Karolo la 5a
5 rezulti el io; esti motivita aŭ kaŭzita de io: el la dirita regulo sekvas, ke ni povas ĉiam uzi FE kio do sekvas de ĝi? Z el tiel konfuzaj debatoj sekvis nenia decido
6 mense kapti la signifon de io, aŭ ies ideojn: estas malfacile sekvi viajn pensojn Z mi konfesas, ke vin mi ne sekvas plu en tia demonstrado
sekva posta; jena; ĉi-suba.
sekve kiel natura aŭ logika sekvo: ĝis nun ne estis, sekve ne povas esti Z li donis al vi la vivon, vi estas lia karno, sekve li estu sankta por vi! Z vi min konas sekve vi scias ankaŭ, kiu mi estas Z estas necese, ke ili ambaŭ oficiale (kaj sekve heredige) aliĝu al komunumo liberpensa Z sekve de tio ni decidas, ke ➞ do 2.
sekvo tio, kio sekvas el io: tio estas tute natura sekvo de la konstruo de la lingvoj Z ĉio estas nur sekvo de lia tro eksplodema temperamento Z la sekvoj de malsukcesa milito B kian sekvon havos via interveno, mi ne povas antaŭvidi ➞ konsekvenco, rezulto.
sekvado agado de iu, kiu sekvas iun aŭ ion: lia sekvado de la virino fariĝis pli hezitema egale kiel la sekvado de gustoj personaj aŭ naciaj, estas senfrukta kaj danĝera ankaŭ la sekvado de teoriaj principoj Z blinda sekvado de reguloj kaj parolturnoj OE
sekvaĵo
1 la sekvanta plua parto: la sekvaĵo de la teksto estas difektita
2 MEDI komplikaĵo, kiu aperas aŭ restas post malsano.
sekvanta
1 tuj posta: la sekvantan tagon ŝi estis jam en la urbo Z dum la tuta sekvanta tago li staris sur unu piedo Z eniri en la sekvantan ĉambron
2 jena; troviĝanta en la posta frazo: unu el ĝiaj dogmoj estas la sekvanta Z la diferencon vi komprenos plej bone el la sekvantaj ekzemploj Z
sekvanto iu, kiu sekvas alian personon: ŝi turnis la kapon kaj ekrigardis sian sekvanton (figurasence) la sekvantoj de tiu filozofo ➞ disĉiplo.
sekvantaro aro de personoj, kiuj kutime aŭ speciale sekvas eminentan personon: la reĝo kun sia sekvantaro la admiralo alvenis kun galonŝarĝita sekvantaro
sekvigi
1 igi iun sekvanta aŭ sekvata: li sekvigis la suspektindulon per policisto
2 igi ion sekvi el io: unu ekzemplo tuj sekvigos la alian Z produktado malpli kara sekvigas plian vendadon kaj produktadon mi estas malsana, sed tio ne sekvigas, ke mi ne povas manĝi ➞ kuntreni.
ĉasosekvi peni kapti per senhalta sekvado: persiste ĉassekvi la belan birdeton por ŝin ekkapti SSz ĉassekvata murdisto ➞ persekuti.
intersekve (malofte) sinsekve; unu post la alia: aperis intersekve esprimoj de morta malamo, dolorplena ĉagreno kaj timo HLu
intersekvi (malofte) sekvi unu la alian; sekvi sin reciproke: la registaroj, kiuj intersekvis unu la alian en Italio en la lastaj jaroj RPi
intersekvo, intersekvado ago intersekvi, aŭ ties rezulto: tabelo de intersekvado de reĝoj Z ellaborante, en rapida intersekvo, seson da planoj HLu
memsekva = (prefere) memkomprenebla.
postsekvi = (prefere) sekvi 1, sekvi 4, sekvi 5: oni elportis lin en longa procesio kun funebristoj, dum ni ceteraj postsekvis ALö diversaj redaktoroj postsekvis min Ko
postsekvanta
1 tago, jaro k.s. okazanta post la sekvanta: la sekvanta tago pasis tre bone, la postsekvanta pasis jam pli malrapide Z
postsekvanto persono, kiu daŭrigas la laboron de antaŭulo: unu el postsekvantoj de Descartes rakontas, ke EDr (figurasence) la reto estas postsekvanto de telekso RRo ➞ posteulo, sukcedi.
sensekva tia, ke ĝi ne havas sekvon; ne grava.
sinsekva prezentanta sinsekvon: la vento venis en formo de sinsekvaj puŝoj Z de tiam li suferis sinsekvajn malsanojn jam tri tagojn sinsekve mi venas en la urbocentron CPi
sinsekvo
1 aro de aĵoj regule metitaj unu post alia: laŭ la ŝtuparo staris sinsekvo da soldatoj
2 aro de okazaĵoj estiĝintaj unu post alia: sinsekvo da aventuroj B la tragedio de Hamleto prezentas veran sinsekvon da murdoj