PIV 2026 · Artikolo 16135
tuniko
Derivaĵoj en la artikolo 5
tuniko
1 HIST antikva vesto, vira aŭ virina, kun mallongaj manikoj, ordinare portata sub io alia, kaj atinganta ĝis la genuoj: taĉmento de lancistoj en blankaj kaj ruĝaj tunikoj B la knabo estis zonita per lina efodo kaj malgrandan tunikon faris al li lia patrino MT de tiu, kiu prenas vian mantelon, ne detenu vian tunikon NT li disŝiris la tunikon sur la brusto, malkovris la cikatrojn B ➞ ĥitono 1, klamido.
2 virina malstrikta vesto pli longa ol bluzo: manoj interplektitaj sur la atlasa tuniko de la vesto Z ➞ kitelo.
3 longa strikta uniforma jako de soldato, policano aŭ oficiro.
4 ANAT parieta membrano de organo: la fibreca, vaskula kaj nerva tunikoj de la okulo hepata fibra tuniko
5 BOTA ĉiu el la folioj de bulbo, tre larĝaj, tute ĉirkaŭantaj la pli internajn foliojn. ➞ tunika bulbo.
tunikulo ZOOL mara ĥordulo; la plenkreska besto havas sakforman korpon kun celuloza tuniko, kaj estas ordinare fiksiĝinta al substrato, dum la larvoj libere naĝas kaj posedas vostan naĝilon kaj ĥordon. membro de la subfilumo Tunicata (tunikuloj) el la filumo Chordata
albuginea tuniko ANAT albugineo.
muktuniko ANAT mukozo.
sertuniko ANAT serozo.
vaskula tuniko de la okulbulbo ANAT uveo.