PIV 2026 · Artikolo 1885

biciklo

Litero B

Derivaĵoj en la artikolo 5
  1. bicikli
  2. biciklet/o
  3. biciklist/o
  4. motorbiciklo
  5. prabiciklo
biciklo VETU
1 senmotora terveturilo kun du radoj egale grandaj, movata per pedaloj: li kutimas uzi sian biciklon por veturi kaj reveni el la laboro FSz li estis pumpe aeranta la pneŭmatikon de sia biciklo CPi senkostaj publikaj bicikloj jam sukcese uzeblas en multaj urbegoj RPy
2 veturilo simila al biciklo 1, sed kun alia nombro de radoj. ➞ unuciklo, triciklo.
➞ velocipedo; pneŭmatiko.
bicikli ntr veturi per biciklo: la vojo al lia laborloko ne estis tro longa por bicikli matene kaj vespere SEn la junulino ĵus biciklis tiel rapide, ke ŝi ne plu havis spiron por respondi CPi
bicikleto malgranda biciklo por infano.
biciklisto homo, kiu kutime uzas biciklon: eble nur piedirantoj kaj biciklistoj estas relative sendependaj (se ili ne devas obei al trafiklumoj) SMa
motorbiciklo biciklo movata de almetita motoro. ➞ mopedo, motorciklo.
prabiciklo malnova speco de biciklo, kies antaŭa rado estis multe pli granda ol la malantaŭa.