PIV 2026 · Artikolo 1986
blasfemi
Derivaĵoj en la artikolo 4
blasfemi tr RELI diri malrespektajn malpiajn vortojn kun la intenco ofendi Dion aŭ diaĵon: vi blasfemas, Isaak, kontraŭ la sola Dio Z mi vin prenas kiel atestantojn, ke ĉi tiu virino blasfemas B ĉiu, kiu blasfemos sian Dion, portos sian pekon MT (figurasence) blasfemi la virton mem ➞ insulti, sakri 2.
blasfemo vortoj de iu, kiu blasfemas: la dioj pardonu al mi la blasfemon B se iu eldiros blasfemon kontraŭ Dio MT la blasfemo kontraŭ la Spirito ne estos pardonita NT ➞ sakrilegio.
blasfemado konduto de blasfemanto: al blasfemantoj plaĉos blasfemado MT
blasfemisto iu, kiu kutimas blasfemi: senhonta blasfemisto! Z Sin. blasfemulo.
blasfemulo blasfemisto: la krampo premu viajn internaĵojn, blasfemuloj! B