PIV 2026 · Artikolo 2172

★brava

Litero B★ Fundamenta

Derivaĵoj en la artikolo 5
  1. brave
  2. bravaĵ/o
  3. bravul/o
  4. bravul/in/o
  5. malbrava
★ brava
1 brile lerta; fidinde sperta; montranta valoran kompetentecon: via filo sin tenis, kiel brava batalisto Z vi elserĉu homojn bravajn, timantajn Dion, veramajn, neprofitamajn; kaj starigu ilin super la popolo MT se li estos homo brava, tiam eĉ unu el liaj haroj ne falos teren; sed se en li troviĝos malbono, tiam li mortos MT jen brava formiko trenas duonmortan muŝon B koran dankon al la brava svisa lando por la gastameco Z tiu ĉi brava arkaĵo ĉiela Z (ironie) konscienco, — ho, jes, certe! brava ĉifonfiguro, por fortimigi paserojn de ĉerizarboj! Z ➞ bona, taŭga.
2 virta; bonkonduta; honesta: multaj filinoj estas bravaj,
Sed vi superas ĉiujn MT
brava virino estas krono por sia edzo MT elsaltu, estu brava knabo kaj helpu al la maljuna virino! Z
brave
1 en brava maniero: brave batali
2 interjekcio admirinde: brave! belege! Z
bravaĵo
1 brava ago.
2 = (prefere) bravuro.
bravulo, bravulino brava homo: ve al tiuj, kiuj estas herooj, por trinki vinon, kaj bravuloj, por miksi ebriigaĵon MT tiu ĉi bravulo certe povus
Konkuri eĉ kun la diablo mem Z
(ironie) el post la arbo li estas bravulo timemulo Z mi faros al vi ĉion, kion vi petos de mi; ĉar estas sciate en la tuta urbo , ke vi estas bravulino MT
malbrava mallerta aŭ malhonesta: io eksterordinare falsa kaj malbrava estis sentebla en ĉiu linio de la artikoloj SPo mi parolis pri malŝparemaj pigruloj inter ili la plej bravaj estas la gvidantoj, kaj la plej malbravaj estas la sekvantoj DBr