PIV 2026 · Artikolo 2753
★ĉizi
Derivaĵoj en la artikolo 12
★ ĉizi tr TEKN tajli aŭ kavigi malmolan materion per ĉizilo: ĉizi ŝtonojn por enkadrigo, kaj ĉizi lignon MT ĉizi pecon el ferstango ĉizi marmoron por statuo ĉizitaj bombonujoj Z (analoge) sur la ŝtona plato estis ĉizita lia nomo ➞ cizeli, ĉarpenti, eltranĉi, haki, skulpti.
ĉizado ago kaj profesio de iu, kiu ĉizas.
ĉizilo ŝtala ilo, longa kaj plata, kun tranĉa bevelita ekstremaĵo, sur kiun oni frapas per martelo por tranĉi, kavigi aŭ krudformi malmolan blokon, ferstangon k.s.: unu tranĉas la feron per ĉizilo MT tre zorge, li metis la ĉizilon en la tranĉaĵon kaj frapetis unu, du fojojn per la martelo JBe ŝtona ĉizilo de malfrua Paleolitiko malvarma ĉizilo por tranĉi ferpecon, oston k.s.
Ĉizilo ASTR malgranda sudhemisfera konstelacio. Caelum
ĉizileto ilo samspeca kiel ĉizilo sed pli malgranda, speciale uzata de juvelistoj.
ĉizisto metiisto, kiu uzas ĉizilon.
bek1oĉizilo ĉizilo pli dika ol larĝa.
ĉirkaŭĉizi tr doni per ĉizado la proksimuman formon de statuo.
elĉizi tr ĉizi kavaĵon en malmola materialo; reliefigi ion per ĉizado: en la groto ekzistas elĉizita ŝtuparo el 230 ŝtupoj MĴe (figurasence) tiuj revoj havas tre agrablajn detalojn, ili estas tre zorge ellaboritaj kaj elĉizitaj FSz (analoge) kvazaŭ elĉizita el marmoro, serene la vizaĝ’ en dormtrankvilo palis JDi
elĉizigi igi, ke oni elĉizu ion en malmola materio: li elĉizigas en la roko loĝejon por si MT
enĉizi ĉizi markojn, literojn k.s. en malmola materialo per ĉizado: la administrado mortiga, esprimita per literoj kaj enĉizita sur ŝtonoj, estiĝis en gloro NT
foldoĉizilo guĝo.
gravurĉizilo grifelo 3.