aksiom¹o

1 Aserto, rigardata kiel evidenta per si mem aŭ ĝenerale akceptata: la tre malnova aksiomo, ke ekzistas nenio certa en la mondo ^Z; la amo maljuniĝas, velkas, pasas – mi pruvos, ke ĉi tiu aksiomo koncernas nur homojn malsaĝajn! ^B ; la ofte tro subjektivajn hipotezojn oni ne altrudu al la kredemaj homoj kiel aksiomojn ^Z. ☞ aforismo, maksimo, sentenco.

2 ∆ Fundamenta aserto, el kiu oni eliras por pruvi teoremojn. ☞ lemo, propozicio, teoremo, korolario.