PIV 2026 · Artikolo 4583
★flati
Derivaĵoj en la artikolo 11
★ flati tr
1 peni plaĉi al iu, logi iun aŭ akiri la favoron de iu per laŭdoj (ofte troaj aŭ falsaj): se vi volas filinon, flatu la patrinon Z batu malbonulon, li vin flatos Z ha, krokodilo, kiu flatas la homojn, por ilin sufoki! Z por kio do mi flatus al malriĉaj? Z kiu flatas al ĉiu, plaĉas al neniu Z flatate, gardu vian saĝon KKa ne pensu, ke mi flatas Z (figurasence) tiu portreto flatas ŝin ➞ komplimenti.
2 afable indulgi iun por stimuli aŭ fervorigi: la interrilatoj flatis ŝian ambicion Z mi estis ankaŭ tre flatita de la favora akcepto, kiun vi faris al mi Z ĉu la flatita popolo mem ion gajnus de tio? Z tempo flatas, tempo batas Z ➞ favori, komplezi.
3 havi iluzion pri si: eble vi flatas al vi, ke vi falos kiel herooj ? Z ili ne flatu sin, ke ili parolas Esperanton MalR
flata tia, ke ĝi flatas: flataj vortoj Z flata bildo en spegulo flata foto rolo tre flata, tamen samtempe ankaŭ tre ŝarĝa Z
flato io, per kio oni flatas: komenci per flato kaj fini per bato Z esperis flaton, — ricevis baton Z por ies flato Z
flatado agado de flatanto: el la popolamasa polvo li per flatado sin levis ĝis la stato de favorato Z
flataĵo vortoj, per kiuj oni flatas: meti ŝin en tian staton, ke ŝi plu neniam plaĉu al la dirantoj de flataĵoj Z li diradis al tiu aŭ alia ĉarma infano kelkajn rapidajn flataĵojn Z
flatema homo aŭ artefarita intelekto inklina al flatado: flatema AI
flatemulo flatema persono; flatanto: flatemulo! Kiom da fojoj vi ripetis tion al aliaj knabinoj? JMe
flatisto, flatulo persono flatema.
ĉirkaŭflatadi superŝuti iun per flataĵoj.
elflati, perflati akiri ion per flatado.