PIV 2026 · Artikolo 4353

★favora

Litero F★ Fundamenta

Derivaĵoj en la artikolo 13
  1. favore
  2. favori
  3. favoro
  4. favorad/o
  5. favoraĵ/o
  6. favorant/o
  7. favorat/o
  8. favorig/i
  9. Difavoro
  10. kor1favori
  11. malfavora
  12. malfavori
  13. malfavoro
★ favora
1 ema konsenti avantaĝon al iu prefere al aliaj: la ĉielo estis ĉiam favora al lia popolo Dio estu favora al vi! Z ➞ kompleza.
2 prezentanta avantaĝon por iu: tute egale, ĉu la cirkonstancoj estos favoraj aŭ malpli favoraj Z ili do alportis al sia ĉefo plej favorajn sciigojn B la vento estis favora por ili Z tiu grundo ne estas favora por greno en la favora jaro 1789
favore en favora maniero: decidi aferon favore al mia peto Vi satigas favore ĉion vivantan MT Dio favore donacis al mi edzinon Z
favori tr agi favore al iu aŭ io: malsaĝulon favoras feliĉo Z kiun favoras la sorto, por tiu eĉ koko estas ovoporta Z la dioj favoris vin per plej granda virto B lia proksimulo ne estas favorata de li MT la plej favorataj hundoj partoprenis en la festenado Z ni estis favorataj per bela vetero akiri la traktadon de la plej favorata nacio atingi montosuprojn estis mia plej favorata plej amata hobio WSc ➞ beni, karesi, preferi.
favoro
1 emo favori: ne longe sinjora daŭras favoro Z klopodi pri ĉies favoro estas pleje malsaĝa laboro Z post kolero venas favoro Z lia favoro de reĝo estas kiel roso sur herbo MT vi trovos favoron ĉe Dio kaj homoj MT akiri favoron MT ricevi favoron MT havi favoron MT serĉi favoron MT de iu
2 avantaĝo favore donita: se vi grandanime donos al mi la favoron, pri kiu mi vin petas Z al la humiluloj Li donas favoron MT superŝuti iun per favoroj Sin. favoraĵo. ➞ favorjaro.
favorado
1 daŭra klopodo favori iun.
2 KOME indiko de favorato en vivasekura poliso.
favoraĵo favoro 2.
favoranto iu, kiu favoradas: malavara favoranto de la meksika E-movado RE!➞ mecenato, patrono.
favorato
1 tiu, kiu ĝuadas la favoron de iu: ŝi rifuzis akcepti dudek mil talerojn de reĝa favorato Z la reĝidino edziniĝis kun la favorato de l’ fortuno B la favoratinoj de Ludoviko la 15a
2 KOME tiu, kiu ricevos la avantaĝon antaŭviditan en asekura kontrakto.
favorigi fari iun aŭ ion favora: favorigi la publikon al la ideo de Lingvo Internacia se ni povus favorigi la grandan princon por nia afero, tio ĉi estus tre granda gajno por ni Z ➞ akiri, gajni.
Difavoro = (prefere) graco 1.
kor1favori havi indulgan kompateman koron direkte al iu: li korfavoros vin, kiam vi plorkrios MT korfavoru min, ĉar mi suferas MT vi korfavoros Cionon;
Ĉar estas tempo por ĝin kompati MT
Sin. favorkori. ➞ favorkora.
malfavora
1 ema malutili al iu aŭ preferi aliajn ol tiun: la juĝantoj estas malfavoraj al li regas malfavora opinio pri ili ➞ malbonvola.
2 prezentanta malavantaĝon por iu: en malfavoraj cirkonstancoj MT ŝia situacio estas plej malfavora por studado Z ➞ malsukcesigi.
malfavori tr agi malfavore al iu aŭ io: ili ignoris aŭ eĉ malfavoris la adeptojn de Esperanto ULi pri muziko la aŭskultmaniero evoluos tute alie kaj malfavoros la albumkoncepton Ko
malfavoro stato, en kiu oni ne ĝuas ies favoron: fali en malfavoron Z